Satyaprem Ki Katha BO Collection Day 2: गेल्या अनेक दिवसांपासून बॉलिवूडचे चित्रपट बॉक्स ऑफिसवर फारशी काही चांगली कमाई करतांना दिसत नाही आहे. त्यातच बिग बजेट चित्रपटही बॉक्स ऑफिसवर आपटले आहेत. आदिपुरुषने तर कहरच केला. मात्र कमी बजेट चित्रपट हे बॉक्स ऑफिसवर कमाल करतांना दिसत आहे. त्यात अदा शर्माचा केरळ स्टोरी असो किंवा सारा आणि विकीचा 'जरा हटके जरा बचके' यांनी बॉक्स ऑफिसवर चांगली कमाई केली आहे.

आता त्यातच कार्तिक आर्यन आणि कियारा अडवाणी यांचा चित्रपट 'सत्यप्रेम की कथा' या चित्रपटानेही बॉक्स ऑफिसवर धडक दिली आहे. या चित्रपटाला प्रेक्षक आणि समिक्षक यांचा समिंश्र प्रतिसाद मिळाला आहे. मात्र कियारा आणि कार्तिकची जोडी आणि त्यातच लव्हस्टोरी यामुळे चित्रपट चांगली कमाई करेल अशी अपेक्षा होती. तसचं काहीस चित्रही दिसत आहे. चित्रपट कमाईच्या बाबतीत चांगली झेप घेत आहे.

कार्तिक अन् कियाराचा 'सत्यप्रेम की कथा' हा चित्रपट 29 जून रोजी ईदच्या मुहूर्तावर थिएटरमध्ये प्रदर्शित झाला. आत या चित्रपटाला प्रेक्षकांचे भरभरून प्रेम मिळत आहे. समीर विद्वांस दिग्दर्शित या चित्रपटाने पहिल्याच बरी कमाई केली होती. आता सत्यप्रेम की कथाने रिलीजच्या दुस-या दिवशीच्या कमाईचे आकडे समोर आले आहेत.

ट्रेड अॅनालिस्ट तरण आदर्श यांनी 'सत्यप्रेम की कथा'च्या कमाईतील दुसऱ्या दिवसाच्या कमाईचे आकडे शेअर केले आहेत. त्यांनी इंस्टाग्रामवर पोस्ट शेयर केली आहे. शुक्रवारी चित्रपटाने 7 कोटींचे कलेक्शन केले आहे.

रिलीजच्या पहिल्याच दिवशी या चित्रपटाने चांगली ओपनिंग देत बॉक्स ऑफिसवर 9 कोटींच्या जवळपास कमाई केली होती. आता या सोबतच यासोबतच चित्रपटाची एकूण कमाई 16.25 कोटींवर गेली आहे. त्यामुळे विकेंड संपेपर्यंत हा चित्रपट बजेटच्या जवळपास कमाई करु शकतो असा अंदाज व्यक्त करण्यात येत आहे.

या सोबतच हा चित्रपट कार्तिक आर्यनच्या करिअरमधील तिसरा सर्वात मोठा ओपनर ठरला आहे. यापुर्वी कार्तिक आर्यन आणि कियारा अडवाणीची जोडी 'भूल भुलैया 2'मध्ये दिसली होती. हा चित्रपटही बॉक्स ऑफिसवर ब्लॉकबस्टर ठरला होता. त्यातच आता 'सत्यप्रेम की कथा'देखील प्रेक्षकांना मोहित करत आहे.