मुंबई - बॉलीवूडचा किंग खान शाहरुखच्या मुलाला (Shah Rukh Khan) एनसीबीनं आज एनसीबी कोर्टामध्ये हजर केलं होतं. यावेळी वेगवेगळ्या गोष्टींवर धक्कादायक माहिती समोर आली आहे. आर्यन खानच्या वकिलांनी त्याला जामीन मिळावा म्हणून मागणी केली होती. मात्र पोलिसांनी केलेल्या पुराव्यांमुळे त्याला न्यायालयानं जामीन नाकारला आहे. आता आर्यनला ७ ऑक्टोबरपर्यत एनसीबीच्या कोठडीत राहावं लागणार आहे. सुत्रांकडून मिळालेल्या माहितीनुसार एनसीबीनं आर्यनसाठी (Aryan Khan) नभ दिवसांची कस्टडी मागितली होती. तसेच आर्यननं त्याच्या टीम सोबत अंमली पदार्थांचे सेवन केल्याचंही सांगितलं होतं. त्यामुळे त्याला पुन्हा कोठडीत ठेवण्याचा आदेश देण्यात आला आहे.

एनसीबीनं कोर्टाला आर्यनच्या मोबाईलमधून जे चॅट सादर केलं त्यातून तो ड्र्ग्जची खरेदी आणि विक्री करण्यासंदर्भात काही डिलरशी बोलत असल्याचे दिसून आले आहे. त्याचे हे बोलणे कोड़ वर्डमध्ये असायचे. त्यामुळे या घटनेचे कनेक्शन परदेशातील काही जणांशी जोडले असावे असा संशय एनसीबीच्या अधिकाऱ्यांना आहे. त्यामुळे त्यांनी आर्यन आणि त्याच्या सहकाऱ्यांकडे आणखी तपासासाठी वेळ मागितला आहे. त्यामुळे न्यायालयानं आरोपीला जामीन न देता त्याच्या कोठडीत वाढ करण्याची मागणी करण्यात आली होती. यावेळी पोलिसांनी कोर्टाला आर्यनकडून जप्त करण्यात आलेल्या मोबाईलचे चॅटींगही सादर केले. त्यातून तो कोडवर्डचा वापर करत असल्याची माहिती समोर आली असल्याचे सांगण्यात आले आहे.

एनसीबीनं सांगितलं की, आम्हाला याप्रकरणी आणखी तपास करायचा आहे. त्यासाठी नऊ दिवसांची रिमांड हवी आहे. त्यात आम्हाला आणखी काही जणांची चौकशी करता येईल. आर्यनच्या वतीनं सतीश मानशिंदे यांनी त्याचे वकीलपत्र घेतले आहे. त्यांनी सांगितलं की, आर्यननं कुठल्याही संघटनेशी बातचीत केली नाही. त्याच्याकडे ड्रग्ज सापडले नाहीत. त्याला त्या क्रुझवर बोलवण्यात आले होते. त्यामुळे यावरुन असे दिसुन येते की, तो त्या पार्टीमध्ये निमंत्रित होता.