सुपरस्टार शाहरुख खानने(Shah rukh Khan) आपल्या चाहत्यांना खूप दिवस आपली वाट पहायला लावली आहे. २०१८ साली त्याचा 'जीरो' सिनेमा मोठ्या पडद्यावर प्रदर्शित झालेला शेवटचा सिनेमा. आता तो पूर्ण ५ वर्षानंतर पडद्यावर परत दिसणार आहे. 'पठाण' सिनेमाच्या माध्यमातून तो पुन्हा सिल्व्हर स्क्रीन गाजवायला येत आहे. याव्यतिरिक्त शाहरुख खानने आणखी काही आपल्या सिनेमांच्या घोषणा केल्या आहेत. यामध्ये त्याचा मल्टिस्टारर सिनेमा 'डंकी' चा देखील समावेश आहे. पण आता बातमी आहे की, सिनेमाच्या टीममध्ये वादाची ठिणगी पडली असून अंतर्गत कलह निर्माण झाले आहेत.(shahrukh khans lead Dunki:Important person leaves project due to creative differences with director).

'लव्ह आज कल २','सरकार','सरकार राज' सारख्या सिनेमांचा भाग राहिलेला अमित राय शाहरुख खान आणि तापसी पन्नूच्या 'डंकी'(Dunki) सिनेमाचा डीओपी म्हणून काम पाहत होता. मात्र आता बातमी आहे की,अमित रॉयनं म्हटलं आहे,''मी आता 'डंकी' वर काम करत नाही. मी १८-१९ दिवसांचे शूटिंग पूर्ण केले आहे आणि मग या सिनेमाचे काम सोडले आहे''.

अमित रॉय म्हणाला की,''राजकुमार हिरानी आणि माझ्या मध्ये क्रिएटिव्ह डिफरन्सेस होते. एकाच फ्रेमला पाहण्याचा आमचा दृष्टिकोन हा वेगळा होता,आमचं एकमत व्हायचं नाही. पण आम्ही खूप चांगल्या पद्धतीनं वेगळे झाले आहोत. माझ्यामुळे काही अडचणी निर्माण होऊ नयेत एवढाच माझा हेतू होता. त्यामुळे आम्ही एकत्र मिटींग केली,चर्चा केली आणि एका चांगल्या नोटवर मी सिनेमातून बाहेर पडण्याचा निर्णय घेतला''.