Sharmila tagore reveals saif ali khan left university : कॉफी विथ करणची गोष्टच वेगळी आहे. आजवर या कार्यक्रमामध्ये वेगवेगळ्या सेलिब्रेटींनी हजेरी लावली आहे. त्यामध्ये करिना कपूर, करिश्मा कपूर, रणवीर सिंग, दीपिका पदुकोण, सनी देओल, बॉबी देओल या सेलिब्रेटींनी करणच्या त्या शोमधून अनेक खुलासे केल्याचे दिसून आले आहे.

सध्या सोशल मीडियावर कॉफी विथ करणमधील तो व्हिडिओ प्रेक्षकांचे लक्ष वेधून घेताना दिसतो आहे. यावेळी करणच्या त्या शो मध्ये प्रसिद्ध अभिनेत्री शर्मिला टागोर सहभागी झाल्या होत्या. त्यात करणनं त्यांना गमतीदार प्रश्न विचारुन बोलते केले. शर्मिलाजी यांनी त्या प्रश्नांना दिलेली उत्तरं लेक सैफ विषयी खूप काही सांगून जाणारी आहेत.

शर्मिलाजी यांनी सैफच्या लव लाईफविषयी अनेक खुलासे या कार्यक्रमात केले त्यात सैफचे एक्सप्रेशन्स पाहण्यासारखे होते. चाहत्यांनी जेव्हा ही प्रश्नांची जुगलबंदी पाहिली तेव्हा त्यांचे चांगलेच मनोरंजन झाले आहे. करण विथ कॉफीच्या त्या कार्यक्रमातील काही क्लिप्स नेटकऱ्यांना प्रतिक्रिया देण्यास भाग पाडत आहे.

शर्मिला यांनी सैफच्या डेटिंगवर केलेले भाष्य करणसाठी देखील आश्चर्याचा धक्का होते. सैफनं डेटिंगच्या नादात अभ्यास करणं सोडून दिलं होतं. असेही शर्मिला यांनी यावेळी सांगितले. सैफ हे काय रसायन आहे हे काही वेगळं सांगण्याची गरज नाही. त्याच्या लव स्टोरीज, डेटिंग याबद्दल नेहमची वेगवेगळ्या प्रकारच्या गॉसिप समोर आल्या आहेत.

सैफ हा त्याच्या पुढील शिक्षणासाठी कधीही कोणत्या युनिव्हर्सिटीमध्ये गेला नाही. त्याचे कारण त्यानं एका एअर होस्टेसला केलेलं डेट. त्यामुळे त्यानं ते शिक्षण अर्धवट सोडलं. ही गोष्ट सांगितल्यानंतर सैफ शर्मिलाजींना म्हणतो, आई ही गोष्ट खूपच जुनी आहे. ती आता कशाला सांगते आहेस?