बिग बॉस(Big Boss) फेम शहनाझ गिल(Shehnaaz Gill) तिच्या क्युटनेसमुळे नेहमीच प्रेक्षकांची लाडकी राहिली आहे. तिच्यावर प्रेम करणाऱ्या चाहत्यांची काही कमी नाही. बिग बॉस पासूनच ती सलमानची(Salman Khan) फेव्हरेट बनली आहे. शहनाझ गिलचा क्यूट अदंज आणि तिचं बोलणं सलमानला नेहमीचं आवडायचं. सिद्धार्थ शुक्लाच्या निधनानंतर बिग बॉस १५ च्या सिझनमध्ये जेव्हा शेहनाझ गिल गेली होती तेव्हा ती भावूक झाल्यावर सलमाननं ज्या पद्धतीनं तिला समजावलं होतं तेव्हा अनेकांचे डोळे भरुन आले होते. आता शहनाझ गिल आणि सलमान खानच्या चाहत्यांसाठी एक चांगली अपडेट आमच्या हाती लागली आहे.

बातमी आहे की सलमान खानच्या सिनेमामधून शहनाझ गिल बॉलीवूडमध्ये एन्ट्री करीत आहे. सूत्रांच्या माहितीनुसार, सलमान खान कभी ईद,कभी दिवाली' या सिनेमातून शहनाझ गिलला संधी देत असल्याचं बोललं जात आहे. आयुष शर्मा सोबत ती या सिनेमात दिसणार आहे. पण अद्याप यासंदर्भात कोणतीही अधिकृत घोषणा केली गेली नाही. डान्सर,अॅक्टर,टी.व्ही शो अॅंकर राघव जुयाल याच्याबाबतीही कानावर पडलं आहे की,तो देखील सलमानच्या 'कभी ईद,कभी दिवाली' सिनेमात काम करणार आहे. पण यावरही अधिकृतरित्या घोषणा करण्यात आलेली नाही.

काही दिवसांपूर्वीच सलमान खानचा मेव्हणा आयुष शर्माची 'कभी ईद,कभी दिवाली' या सिनेमात वर्णी लागली आहे. याआधी आयुष शर्मा आणि सलमान खान 'अंतिम- द फायनल ट्रुथ' या सिनेमात एकत्र काम करताना दिसले होते. आयुष शर्मासाठी म्हणजेच आपल्या मेव्हण्यासाठी सलमाननं मराठमोळा अभिनेता श्रेयस तळपदेला बाहेरचा रस्ता दाखवल्याचं बोललं जात आहे.