मुंबई - बॉलीवूडमधील प्रसिध्द अभिनेता, निवेदक शेखर सुमन (bollywood actor shekhar suman) यांच्या आईचे निधन झाले आहे. (mother passed away) सुमन यांनी सोशल मीडियावर याविषयी पोस्ट शेअर करुन माहिती दिली आहे. सुमन यांच्या आई गेल्या काही दिवसांपासून आजारी होत्या. अखेर त्यांचे वार्धक्यानं निधन झालं आहे. सुमन यांनी जी पोस्ट शेअर केली आहे त्यात त्यांनी लिहिलंय, माझी आई जी माझ्यावर खूप प्रेम करत होती. ती आता गेली आहे. तिच्या जाण्यानं मी पोरका झालो आहे. (shekhar suman mother passed away actor feel orphaned )

माझ्या आयुष्यातील अनेक कठीण प्रसंगांना सामोर जायच धाडस तिच्यामुळे माझ्यात आलं. आणि त्यामुळे मला आयुष्यात मोठं यश संपादन करता आलं. त्याचं श्रेय माझ्या आईला आहे. मी माझ्या शेवटच्या श्वासापर्यत तुला आठवणीत ठेवेल. आजीच्या निधनावर नातू अध्ययननंही (adhyayan) एक पोस्ट शेअर केली आहे. त्यात त्यानं आपल्या आजीला श्रद्धांजली वाहिली आहे. आजी स्वभावानं फार कणखर होती. तिची शेवटच्या श्वासापर्यत लढाई सुरु होती. ती आता आमच्यातून गेली आहे. तिला भावपूर्ण श्रद्धांजली.

शेखर सुमन यांची आई गेल्या काही दिवसांपासून किडनीच्या आजारानं त्रस्त होत्या. त्यांचे किडनी ट्रान्सप्लांटही झाले होते. अध्ययननं ही माहिती सोशल मीडियावरुन पोस्ट केली होती. त्यावेळी त्यानं लिहिले होते, फार कमी लोकांना हे माहिती आहे की, मी दर बुधवारी मंदिरात जातो. आणि गणपतीचा आशीर्वाद घेतो. त्याच्याकडे माझ्या आजीच्या चांगल्या आरोग्याची प्रार्थना करतो. तुम्ही सर्वजण माझ्या आजीसाठी प्रार्थना करा. या शब्दांत त्यानं आपल्या भावना व्यक्त केल्या होत्या.

मागील महिन्यात शेखर सुमन यांच्या सासुचेही कोरोनानं निधन झाले होते. आता त्यांच्या आईचे निधन झाल्यानंतर त्यांच्या परिवारावर शोककळा पसरली आहे. काही बॉलीवूड सेलिब्रेटींनी त्यांचे सांत्वन केले आहे.