Goldy Brar Detained : पंजाबी गायक सिद्धू मुसेवाला याची गेल्यावर्षी गोळ्या झाडून हत्या करण्यात आली होती. त्यानंतर गोल्डी ब्रारनं या हत्येची जबाबदारी स्विकारली होती. परंतु तो परदेशात जाऊन बसला होता. अखेर गुप्तचर संघटनांनी त्याचा शोध घेत गोल्डी ब्रारला कॅलिफोर्नियातून अटक केली आहे.

गुप्तचर यंत्रणांनी दिलेल्या माहितीनुसार, त्याला कॅलिफोर्निया येथून अटक करण्यात आली आहे. २९ मे 2021 रोजी सिद्धू मुसेवाला याची भररस्त्यात गोळ्या झाडून हत्या करण्यात आली होती. पंजाबमध्ये ही थरारक घटना घडली होती. या हल्ल्याची जबाबदारी बिश्नोई गँगनं स्वीकारली होती. अखेर या हत्येचा मास्टरमाइंड गोल्डी ब्रार याला ताब्यात घेण्यात पोलिसांना यश आलं आहे.

परदेशात बसूनच सिद्धू मुसेवाला यांच्या हत्याकाडांच कट गोल्डी ब्रारनं रचल्याचं बोललं जात आहे. त्यानंच आपल्या गुंडांकडून सिद्धू मुसेवाला यांच्यावर गोळ्या झाडल्या होत्या. त्यानंतर तो अमेरिकेत पळून गेला. मुसेवालाच्या हत्येसंदर्भात गोल्डी ब्रारच्या वतीनं एक व्हिडीओ जारी करण्यात आला होता, ज्यामध्ये त्यानं मुसेवाला यांच्या हत्याकांडाचा कट रचल्याचं कबुल करत हल्ल्याची जबाबदारी स्विकारली होती. पोलिसांनी आतापर्यंत याप्रकरणी ३४ जणांना आरोपी केलं आहे.