पंजाबी गायक सिद्धू मुसेवाला यांची पंजाबच्या मानसा जिल्ह्यात २९ मे रोजी अज्ञात हल्लेखोरांनी गोळ्या झाडून हत्या केली होती. हल्लेखोरांचा लॉरेन्स बिश्नोई टोळीशी संबंध असल्याचा आरोप करण्यात आला आहे.

मुसेवाला हत्याकांडातील मुख्य आरोपी गँगस्टर लॉरेन्स बिश्नोई सध्या पंजाब पोलिसांच्या ताब्यात आहे. या घटनेला अनेक दिवस झाले असले तरी या प्रकरणाचा शोध लागलेला नाही. मात्र सिद्धू मुसेवालानंतर आता त्याच्या घरचे हे सुरक्षित नाहीत. त्याचे वडिल बलकौर सिंग यांना वारंवार जिवे मारण्याच्या धमक्या येत आहेत.

यापूर्वी गेल्या वर्षी सप्टेंबरमध्ये पंजाब पोलिसांनी बलकौर सिंगला ईमेलद्वारे धमकी दिल्याप्रकरणी एका व्यक्तीला अटक केली होती. आरोपी महिपाल राजस्थानमधील जोधपूरचा असून त्याला दिल्लीतील बहादूरगड येथून अटक करण्यात आली आहे.

त्यांनतर याच महिन्याच्या पाच तारखेला एका ईमेलद्वारे बलकौर सिंग यांना जीवे मारण्याची धमकी देण्यात आली होती. यामध्ये त्यांना लॉरेन्स बिश्नोईसारख्या गुंडाचे नाव न घेण्याच्या सूचनाही देण्यात आल्या होत्या. हा ईमेलही राजस्थानमधूनच पाठवण्यात आला होता. या प्रकरणी पोलिसांनी तीन अल्पवयीन आरोपींची ओळख पटवली होती.

आता पुन्हा एकदा धमक्या आल्या आहेत. त्याला राजस्थानमधून ईमेल पाठवून धमकी देण्यात आली आहे . धमकी मिळाल्यानंतर मानसा पोलिसांनी गुन्हा दाखल करून या प्रकरणाचा तपास सुरू केला आहे.

या प्रकरणात लॉरेन्स बिश्नोई आणि गोल्डी ब्रार यांची नावे समोर आली होती. अलीकडेच एका मुलाखतीदरम्यानही लॉरेन्स बिश्नोईने कबूल केले की तो सिद्धू मुसेवालावर रागावला होता आणि त्याचा जवळचा मित्र गोल्डी ब्रारने मुसेवालाची हत्या केली. यांनतर त्याचे वडिल बालकौर सिंह यांनी येत्या काळात देशातील जे गुन्हेगार आहे त्यांना योगींनी शिक्षा घडवावी त्यांनी केलेल्या कामाची त्यांना शिक्षा व्हावी अशी आमची मागणी असल्याचं सांगतिलं होतं.