Prathamesh Laghate - Mugdha Wedding: अगदी काहीच दिवसांपुर्वी सा रे ग म प लिटिल चॅम्प्स फेम गायक प्रथमेश लघाटे - मुग्धा वैशंपायन यांनी एकमेकांशी लग्न केलं. प्रथमेश - मुग्धाचं पारंपरिक थाटात लग्न झालं.
लग्नानंतर मुग्धा लघाटेंची सुन झाली. प्रथमेशने त्याच्या इन्स्टाग्रामवर लग्नानंतरच्या गृहप्रवेशाचा व्हिडीओ शेअर केलाय. या व्हिडीओत प्रथमेश - मुग्धाने एकमेकांसाठी धम्माल उखाणा घेतलेला दिसतोय.
प्रथमेश - मुग्धाने लग्नानंतरच्या गृहप्रवेशाचा व्हिडीओ शेअर केलाय. या व्हिडीओत मुग्धाने प्रथमेश लघाटेच्या घरात गृहप्रवेश केला.
यावेळी प्रथमेशने मुग्धासाठी उखाणा घेतला. प्रथमेश उखाणा घेतला की, "कपात ओतला चहा, चहाखाली ठेवली बशी, मुग्धा माझी गरीब गाय बाकी सगळ्या मारक्या म्हशी."
"मंगळसूत्राच्या दोन वाट्या म्हणजे माहेरची आणि सासरची खुण, प्रथमेशचं नाव घेऊन कलाश्रीमध्ये प्रवेश करते नीना - उमेश लघाटेंची सून."
असा उखाणा मुग्धाने घेतलाय. या दोघांनी अगदी पारंपरिक थाटात गृहप्रवेश केलाय. यावेळी संपूर्ण लघाटे कुटुंब उपस्थित होतं.
प्रथमेश - मुग्धाने एकमेकांसोबत २१ डिसेंबरला थाटामाटात लग्न केलं. सूत्रांच्या माहितीनुसार चिपळुणमध्ये या दोघांनी एकमेकांशी लग्न केलं. प्रथमेश चिपळूण, रत्नागिरीला राहणारा असून त्याच्या गावी हे लग्न झाल्याचं बोललं जात आहे.
प्रथमेशने लग्नाच्यावेळी लाल रंगाचा कुर्ता, खांद्यावर उपरणं तर डोक्यावर पगडी घातली होती. तर मुग्धाने पिवळ्या - हिरव्या रंगाची शेड असलेली साडी नेसली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.