'सिंघम' सिनेमात अजय देवगणसोबत दिसलेली काजल अग्रवाल(Kajal Aggrawal) बॉलीवूडध्ये (Bollywood) मोठी इनिंग खेळेल असं बोललं जात होतं. पण त्यानंतर तिनं काहीच सिनेमात काम केलं अन् लग्नाचा निर्णय घेतला. या तिच्या निर्णयावर मोठी चर्चाही झाली. पण काजलनं मात्र छान लग्न करून सेटल व्हायचा निर्णय पक्का केला. लग्न केल्यानंतरही तिनं काही वर्ष लग्न एन्जॉय करण्यापेक्षा आई होण्याला लवकर प्राधान्य दिलं. अभिनेत्री असूनही तिनं असा निर्णय लगेच घेतला यासाठी तिचं कौतूक होतंय. तिचा नवरा गौतम किचलू यानं नवीन वर्षाच्या सुरुवातीला एक पोस्ट करत ही आनंदाची बातमी दिली होती. काजलचा फोटो शेअर करत गौतमने लिहिले आहे,"2022 तुझ्याकडे पाहत आहे". त्यासोबत त्याने गर्भवती महिलेचा इमोजीदेखील शेअर केला आहे. गूढ पद्धतीने त्यांनी चाहत्यांना गोड बातमी दिली होती. अर्थात या बातमीमुळे काजलचे चाहते मात्र तिच्यावर भलतेच खूश होते.

पण म्हणतात नं काहीजणांना उगाचच मुद्दामहून खोडी काढायची सवय असते किंवा कुस्केपणानं बोलण्यात त्यांना आनंद मिळतो अशा ट्रोलर्सनी त्या बातमीनंतर काजलच्या एका फोटो पोस्टवरुन तिला भलतंच ट्रोल केलेलं. आता आई होण्याचं सुखही नीट उपभोगू देत नाहीत हे ट्रोलर्स. ती खरं तर आई होण्याचा हा प्रवास मस्त एन्जॉय करताना दिसत आहे. तिनं या काळात कुठलंही हार्ड डाएटपेक्षा महत्व दिलं ते चांगलं-चुंगलं खाण्याला. पण कदाचित तिचं वजन यामुळे वाढलं असेल बहुधा. पण यावरनं तिनं पोस्ट केलेल्या एका फोटोवरुन तिला ट्रोल केलं गेलं. तिला तिच्या वाढत्या वजनावरनं ट्रोल केलं गेलं. पण काजलनेही ट्रोलर्सला त्यावेळी चांगलंच सुनावलं होतं.

काजलच्या डोहाळे जेवणाचा कार्यक्रम नुकताच जवळच्या नातेवाईकांच्या उपस्थितीत अत्यंत साग्रसंगीतपणे पार पडला. इंग्रजी बेवसाईट हिंदुस्थान टाईम्सच्या अधिकृत वेबसाईटवर ते फोटो पोस्ट करण्यात आले आहे. या फोटोत काजलनं छान लाल रंगाची साडी परिधान केली आहे. त्या लाल रंगात या होणाऱ्या आईचं रुप अधिक खुललेलं दिसत आहे. या फोटोंमध्ये काजोल आणि तिचा नवरा गौतम खूश दिसत आहेत. आई-बाबा होण्याचं सुख दोघांच्या चेहऱ्यावर स्पष्ट दिसत आहे. तिच्या चाहत्यांनीही या फोटोवर प्रतिक्रिया देताना म्हटलं आहे,'बधाई हो!'. काजल लवकरच आपल्याला 'आचार्य' या तेलगू सिनेमात, तर 'हे सिनामिका' या तमिळ सिनेमात दिसणार आहे.