Sunny Leone : आता बॉलीवूडमध्ये सनी प्रसिद्ध अभिनेत्री झाली आहे. एरवी तिच्या वेगवेगळ्या बोल्ड अंदाजासाठी ओळखली जाणाऱ्या सनीवर नेटकऱ्यांचे नेहमीच लक्ष असते. काही वर्षांपासून सनीनं बॉलीवूडमध्ये आपल्या नावाची वेगळी ओळख निर्माण केली आहे. अनेक चित्रपटांमध्ये ती झळकली आहे. सध्या तिचा एक व्हिडिओ नेटकऱ्यांचे लक्ष वेधून घेताना दिसतो आहे.

सनी ही काही दिवसांपासून तिच्या ओ माय घोस्ट या चित्रपटाच्या शुटींगमध्ये व्यस्त आहे. बोल्ड अँक्टिंगसाठी ओळखल्या जाणाऱ्या सनीला या चित्रपटामध्ये महत्वाची भूमिका मिळाली आहे. चित्रिकरण सुरु असताना सनीला छोटीशी दुखापत झाली. मात्र त्यावरुन तिनं जो गोंधळ केला त्याची सोशल मीडियावर चर्चा सुरु झाली आहे. चाहत्यांनी देखील सनीला त्यावरुन चांगलेच टोकले आहे. काय सनी तुला दुखापत झाली किती तू त्याचा बाऊ किती करतेस असा प्रश्न तिला नेटकऱ्यांनी विचारला आहे.

Also Read - 'पठाण'..आणि २०२३ मधले बाॅलीवूड..कसे असतील दिवस

सनी नेहमीच आपण चर्चेत कसे राहू यावरून सोशल मीडियावर चर्चेत असते. काही दिवसांपूर्वी तिनं शेयर केलेल्या फोटोशुटला देखील नेटकऱ्यांचा मोठा प्रतिसाद मिळाला आहे. तिच्या लेटेस्ट पोस्टमध्ये सनीच्या पायाला दुखापत झाली. त्यावेळी तिथे असलेल्या सहकाऱ्यांनी तातडीनं तिला प्रथमोपचार देण्यासाठी घाई केली. यासगळ्यात सनीचा तो आवेश मात्र अनेकांच्या चर्चेचा विषय होता.

तो व्हिडिओ शेयर करताना सनी म्हणते, अगोदरच मला कोरोनाची भीती त्यात पुन्हा अशाप्रकारे अपघात झाल्यानं काय करावं हेच कळेनासे झाले आहे. त्यामुळे मी तर घाबरुन गेले आहे. सेटवर काळजी घेणं जास्त महत्वाचे आहे. आता मला टीम म्हणते तुम्हाला इंजेक्शन घ्यावचं लागेल. असं जे कुणी म्हणत आहेत त्यांना मला सांगायचे आहे, मला घाबरू नका. मी काही झालं तरी इंजेक्शन घेणार नाही. त्या व्हिडिओला नेटकऱ्यांच्या वेगवेगळ्या प्रतिक्रिया मिळत आहे.