मुंबई- सुशांत सिंह राजपूतच्या मृत्युच्या दिवशी त्याच्या बांद्रा येथील घरात पाच लोक उपस्थितीत होते. सुशांतच्या मृत्युनंतर अनेक लोक चर्चेत आले आहेत. त्याचा कुक नीरज पासून ते हाऊस मॅनेजर सॅम्युअल मिरांडापर्यंत सगळेच सीबीआयच्या रडारवर आहेत. मात्र या सगळ्यांमध्ये सुशांतचा कर्मचारी केशव मिडियापासून स्वतःला लांब ठेवतोय. आता अशी माहिती समोर येतेय की केशव एका अभिनेत्रीच्या मुंबईतील घरी काम करतोय.  

हे ही वाचा: 'काळी चुडैल' म्हणणा-या ट्रोलरला शाहरुखची मुलगी सुहाना खानने या भाषेत दिलं प्रत्युत्तर  

एका वाहिनीने त्यांच्या स्टिंग ऑपरेशनमध्ये हा खुलासा केला आहे की केशव अभिनेत्री सारा अली खानच्या घरी काम करत आहे. साराच्या घराच्या सुरक्षा रक्षकाने केशव साराच्या घरी काम करत असण्याला दुजोरा दिला आहे. जेव्हा वाहिनीने फोनवरुन केशवशी संपर्क साधण्याचा प्रयत्न केला तेव्हा तो म्हणाला, 'सोडा मला आता, माझ्यासाठी प्रकरण संपलं आहे.' 

रिपोर्टनुसार नीरजच्या काकांनी सांगितली होतं की केशव आता अभिनेत्री सारा अली खानच्या घरी काम करतो. तो जेवण देखील बनवतो. त्यामुळे जेव्हा त्याला मॅडमने बोलवलं तो निघून गेला. दोन दिवसांपूर्वीच तो गोव्याहून मुंबईला आला आहे. नीरज देखील सुशांत सिंह राजपूतचा कुक होता.

सुत्रांच्या माहितीनुसार, सीबीआय पुन्हा एकदा केशव आणि नीरजला चौकशीसाठी बोलवू शकते. याआधी नीरजने एका मुलाखतीत सांगितलं होतं की '१४ जुनला केशवने सुशांतला ब्रेकफास्टसाठी विचारलं होतं तेव्हा त्याने नारळ पाणी, संत्र्याच्या ज्युस आणि केळं घेणार असल्याचं म्हटलं. त्यानंतर सुशांतने नारळ पाणी आणि ज्युस घेतला आणि म्हणाला केळं नंतर खाईन.' केशवनेच सुशांतसोबत शेवटचं बोलणं केलं होतं.   

sushant singh rajput staff member keshav presently works sara ali khan residence