स्वरा भास्कर ही सध्या वैयक्तिक आयूष्यामुळे चर्चेत आहे. तिने 16 फेब्रुवारीला समाजवादी पक्षाचे युवा नेते फहाद अहमदसोबत कोर्ट मॅरेज केले. याबाबत पोस्ट शेअर करत तिने सर्वांना आश्चर्याचा धक्काच दिला.

मात्र आता तिने थेट तिच्या हनीमूनचे फोटो शेअर केले आहेत. जे सोशल मीडियावर तुफान व्हायरल होत आहेत. स्वराने तिच्या हनिमून बेडचा फोटो शेअर केला आहे. जो गुलाब आणि इतर फुलांनी सजलेला आहे. स्वराच्या आईने हा पलंग स्वतःच्या हातांनी सजवला आहे. यासाठी स्वराने तिच्या आईचे आभार मानले आहेत.

स्वराने हा फोटो तिच्या इंस्टाग्राम स्टोरीला टाकला आहे. तिच्या आईचा उल्लेख करत तिने लिहिलयं आईने माझा हनीमुन फिल्मीस्टाईलमध्ये बनवण्यासाठी सर्वतोपरी प्रयत्न केला आहे.

स्वराने स्वतः तिच्या सोशल हँडलवरून तिच्या लग्नाची माहिती दिली होती, मात्र या लग्नासाठी तिला सोशल मीडियावर खूप ट्रोल देखील करण्यात आले होते, कारण लग्नाच्या काही दिवस आधी तिने फहादला भाऊ म्हणून संबोधले होते.

तसचं त्याच्या धर्मावरुनही नेटकऱ्यांनी स्वरा आणि फवादवर निशाण्यावर घेतलं होतं. मात्र स्वरानंही ट्रोलर्सला उत्तर देत त्यांची बोलतीच बंद केली होती. मात्र आता पुन्हा स्वराने शेअर केलेल्या या फोटोमुळे तिला ट्रोल करण्यात येत आहे.