मुंबई- देशात कोरोनाचा कहर थांबवण्याचं नावंच घेत नाहीये. कोरोनाच्या संकटातून बॉलीवूड देखील वाचलेलं नाही. काही दिवसांपूर्वी बच्चन कुटुंबातील सदस्यांना कोरोनाची लागण झाली होती. मात्र त्यांनी कोरोनावर मात केली. आता कोरोनाच्या विळख्यात आणखी एका अभिनेत्रीचं कुटुंब सापडलं आहे. 'बाहुबली' फेम अभिनेत्री तमन्ना भाटियाच्या घरात देखील कोरोनाचा शिरकाव झाला आहे.

हे ही वाचा: रियाने सुशांतचं घर सोडण्याआधी ८ हार्ड डिस्कमधील डाटा केला डिलीट, सिद्धार्थ पिठानीचा खुलासा  

अभिनेत्री तमन्ना भाटियाच्या घरी कोरोनाच्या शिरकाव झाला असून तिच्या आई-वडिलांना कोरोनाची लागण झाली आहे. स्वतः तमन्नाने सोशल मिडियावरुन याबाबतची माहिती दिली आहे. बुधवारी तमन्नाने एक पोस्ट शेअर करत म्हटलं की तिचे वडिल संतोष आणि आई रजनी यांच्यामध्ये कोरोनाची सौम्य लक्षणं होती. त्यामुळे त्यांनी कोरोनाची टेस्ट केली. या टेस्टमध्ये दोघांचेही रिपोर्ट पॉझिटीव्ह आले आहे. तमन्नाचे आई-वडिल दोघेही पॉझेटीव्ह आल्याने त्यांच्या कुटुंबातील इतर सदस्यांसोबतंच कर्मचारी आणि स्वतः तमन्नाने देखील कोरोनाची टेस्ट केली होती. या सगळ्यांचे रिपोर्ट निगेटीव्ह आले आहेत. 

तमन्नाने तिच्या पोस्टमध्ये लिहिलंय, माझ्या पालकांमध्ये कोविड १९ ची लक्षण दिसत होती. सुरक्षेच्या कारणास्तव घरातील सगळ्यांची टेस्ट लगेचच केली गेली. आता रिपोर्ट आले आहेत. दुर्देवाने माझ्या आई-वडिलांचा रिपोर्च पॉझिटीव्ह आला आहे. अधिका-यांना याबद्दल माहिती दिली गेली आहे. आम्ही सगळ्या नियमांचं पालन करत आहोत. कुटुंबातील इतर सदस्य, कर्मचारी वर्ग आणि माझी स्वतःची कोरोना टेस्ट निगेटीव्ह आली आहे. देवाच्या कृपेने ते कोरोनाशी उत्तम प्रकारे लढत आहेत. तुमच्या सगळ्यांच्या प्रार्थना आणि आशिर्वाद त्यांना व्यवस्थित करण्यात मदत करतील.

तमन्नाच्या या पोस्टवर चाहत्यांनी तिच्या पालकांसाठी प्रार्थना केल्या आहेत. तसंच तिला अशा परिस्थितीत हिंमत ठेवण्याचा सल्ला देखील देत आहेत.   

tamannaah bhatia parents tested positive for covid 19