कोलकाता येथील 'नझरूल मंच' येथे कार्यक्रम केल्यानंतर लगेचच हृदयविकाराच्या तीव्र झटक्याने प्रसिद्ध गायक केकेचे निधन झाले.(KK)त्याच्या मृत्यूच्या काही तासांनंतर असा दावा करण्यात आला होता की, हॉल प्रेक्षकांच्या गर्दीने क्षमतेपेक्षा जास्त भरल्या गेला होता.केकेने शोदरम्यान त्याला जाणवणाऱ्या उष्णता आणि आर्द्रतेची तक्रारही केली होती.

३१मे रोजी हा शो 'ब्लॅक आयड इव्हेंट्स हाऊस' नावाच्या कोलकाता स्थित इव्हेंट मॅनेजमेंट कंपनीने आयोजित केला होता.(Live Concert) अखिल भारतीय तृणमूल काँग्रेस - अखिल भारतीय तृणमूल छात्र परिषद या विद्यार्थी संघटनेद्वारे गुरुदास महाविद्यालयाच्या विद्यार्थी संघटनेच्या वतीने हे आयोजन करण्यात आले होते.याच इव्हेंट मॅनेजिंग कंपनीने ३०मे रोजी विवेकानंद कॉलेजसाठी कॉलेज फेस्ट आयोजित केला होता, जिथे केकेने त्याच ठिकाणी परफॉर्म केले होते.

शोसाठीचे सगळे प्रोटोकॉल पाळण्यात आले होते,तरी..

गुरुदास कॉलेजच्या विद्यार्थी संघटनेच्या उपाध्यक्षा सुमन होरे यांनी सांगितले की त्यांनी मंगळवारी कार्यक्रम आयोजित करताना सर्व आवश्यक प्रोटोकॉलचे पालन केले होते.“आम्ही आमच्या महाविद्यालयीन विद्यार्थ्यांनाच पास वितरित केले.(Singer) आम्ही सर्व प्रोटोकॉल पाळले.आम्ही कोलकाता पोलिसांची परवानगी घेतली. कार्यक्रमाला ३०-३५ बाउन्सर, पोलिस आणि एक रुग्णवाहिका उपस्थित होती,” असेही या संघटनेकडून सांगण्यात आले.तसेच 'केकेने शो दरम्यान कोणत्याही आरोग्याच्या समस्येची तक्रार केली नाही.'असेही ते म्हणाले.

एवढेच नव्हे तर ते पुढे म्हणाले, “आम्ही आमच्या महाविद्यालयीन विद्यार्थ्यांना ३,५०० पास दिल्या होत्या.मात्र हा शो पाहण्यासाठी किमान ५ हजार लोक आले होते. ते कुठून आले हे आम्हाला माहीत नाही. त्यांनी प्रवेश मिळवण्यासाठी भिंत ओलांडली. आमच्या स्वयंसेवकांनी गर्दी रोखण्याचा प्रयत्न केला पण ते शक्य झाले नाही.”