गेल्या काही दिवसांपासून मनोरंजन विश्वातुन गोड बातम्या समोर येत आहेत. बऱ्याच कलाकारांच्या घरी छोट्या पाहूण्याचे आगमन झाले. त्यातच साऊथ सुपरस्टार राम चरण आणि त्याची पत्नी उपासना यांच्या घरी ही परीचे आगमन झाले आहे. लग्नाच्या 11 वर्षानंतर या जोडप्याने मुलीचे स्वागत केले आहे.

राम चरणच्या घरी 20 जूनला मुलीचा जन्म झाला. त्याची पत्नी उपासनाला 19 जून रोजी संध्याकाळी हैदराबाद येथील अपोलो रुग्णालयात दाखल करण्यात आले आणि मध्यरात्री तिने मुलीला जन्म दिला.

आता चार दिवसांनंतर उपासना आणि तिच्या लहान परिला रुग्णालयातून डिस्चार्ज देण्यात आला आहे. त्यावेळी रुग्णालयाबाहेर त्याचे चाहेत आणि मिडियाचे लोक दोघांची झलक पाहण्यासाठी उत्सूक होते.

त्यातच आता राम चरण यांची मुलगी आणि पत्नीसोबतचा राम चरणचा पहिला फोटोही समोर आला आहे. या दाम्पत्यांनी त्यांच्या मुलीसह पहिली सार्वजनिक उपस्थिती दिली. सध्या या कुटुंबाचे फोटोही सोशल मीडियावर मोठ्या खुप व्हायरल होत आहेत.

हॉस्पिटलमधून बाहेर पडताना राम चरण आणि त्यांची पत्नी उपासना यांनी आपल्या मुलीला आपल्या मिठीत घेतले होते. त्याने मुलाचा चेहरा झाकला. चिरंजीवीच्या घरी जाताना अभिनेत्याची आई सुरेखाही या जोडप्यासोबत होती.

रामचरण-उपासना 11 वर्षांनंतर आई-वडील झाल्याने ही आनंदाची बातमी त्याच्यासाठी खुपच खास होती. चाहते रामचरण आणि उपासनाच्या बाळाची आतुरतेने वाट पाहत होते.

राम चरणनही त्याच्या पत्नीच्या आरोग्याविषयी अनेक अपडेट शेयर करत होता. 14 जून रोजी राम चरण आणि उपासना यांनी त्यांच्या लग्नाचा 11 वा वाढदिवस साजरा केला आणि 5 दिवसांनीच त्याच्या घरी लेकीचा जन्म झाला.