मुंबई - आता तिनं मनोरंजन विश्वातून राजकीय क्षेत्रात पदार्पण केलं आहे. अशा अभिनेत्री काम्यावर सोशल मीडियातून टीका होताना दिसत आहे. तिला मोठ्या प्रमाणात ट्रोलही करण्यात आले आहे. काम्या ही एक पंजाबी अभिनेत्री असून तिची लोकप्रियता मोठी आहे. तिचा चाहतावर्गही मोठा आहे. ती सोशल मीडियावर नेहमी चर्चेत असणारी सेलिब्रेटी आहे. अशावेळी तिच्यावर गेल्या काही दिवसांपासून मोठ्या प्रमाणात चर्चा होताना दिसत आहे. त्यामुळे ती दुखावली गेली आहे. तिच्या काही वैयक्तिक गोष्टींवरुन तिला नेटकऱ्यांनी अश्लील प्रतिक्रिया देण्यास सुरुवात केली आहे.

नेटकऱ्य़ांनी तिला प्रतिक्रिया देताना सभ्यतेची पातळी ओलांडली आहे. आपल्या परखड स्वभावासाठी काम्या ओळखली जाते. एखाद्या विषयावर सडेतोडपणे प्रतिक्रिया देणं हे तिचं वैशिष्ट्यही आहे. त्यामुळे ती नेहमी चर्चेत असते. गेल्या काही दिवसांपूर्वी काम्यानं आपल्या पर्सनल लाईफबद्दल एक खुलासा केला आहे. त्यामध्ये तिनं म्हटलं आहे की, जेव्हा माझा घटस्फोट झाला तेव्हा लोकांनी मला अश्लील प्रतिक्रिया देण्यास सुरुवात केली होती. वास्तविक लोकांना माझ्या आयुष्याबद्दल काहीही माहिती नाही. केवळ ऐकीव माहितीवर विश्वास ठेवून त्यांनी ज्या प्रतिक्रिया मला दिल्या त्यांची पातळी खालच्या स्तरावरची असल्याचे तिनं सांगितलं आहे.

नेटकऱ्यांनी प्रतिक्रिया देताना मर्यादा ओलांडली होती. काहींनी माझ्या पाच वर्षाच्या मुलीवर देखील प्रतिक्रिया दिला. त्यावरुन मला ट्रोल करण्यात आले होते. सध्या काम्या तिच्या आयुष्यामध्ये समाधानी आणि आनंदी असल्याचे दिसून आले आहे. पहिल्या लग्नामध्ये तिला कौटूंबिक हिंसाचाराला सामोरं जावं लागलं होतं. त्यामुळे तिनं घटस्फोट घेतला. तिनं टीव्ही अभिनेता करण पटेलला डेट केलं. तेव्हा देखील ट्रोलिंगला सामोरं जावं लागलं होतं. लोकांनी मला तेव्हा तु तर घटस्फोटीत आहेस तेव्हा तु आता तुझ्या मुलीला दूर करशील अशा प्रकारच्या प्रतिक्रिया दिल्या होत्या. ते ऐकून मला वाईट वाटले होते.