टीव्ही मनोरंजन क्षेत्रातील सर्वात लोकप्रिय असणारी मालिका म्हणून तारक मेहता का उल्टा चष्मा या मालिकेचं नाव आवर्जुन घेतलं जातं. आता या मालिकेतील पात्रांसोबत प्रेक्षकांचे घट्ट नाते तयार झाले आहे. त्याला कारणही तसंच आहे. गेल्या दहा वर्षांहून अधिक काळ या मालिकेनं प्रेक्षकांच्या मनावर राज्य केले आहे. त्या मालिकेतील वेगवेगळ्या भूमिका करणारे कलाकार, त्यांच्या वैयक्तिक आयुष्याशी देखील प्रेक्षक जोडले गेले आहे. सर्वाधिक दर्शक संख्या असणाऱ्या या मालिकेतील लक्ष वेधून घेणारी पात्र म्हणजे टप्पु आणि बबीता.

सध्या सोशल मीडियावर टप्पु आणि बबिताचे फोटो व्हायरल झाले आहेत. त्याला प्रेक्षकांचा मोठा प्रतिसादही मिळाला आहे. गेल्या काही दिवसांपासुन टप्पु आणि बबिता यांच्यातली प्रेमप्रकरणाची कुणकुण प्रेक्षकांना लागली होती. तेव्हापासून त्यांना सोशल मीडियावर नेटकऱ्यांनी ट्रोलही केले आहे. मात्र सध्या त्यांचा सोशल मीडियावर व्हायरल झालेला एक फोटो त्यामुळे ते एकमेकांच्या प्रेमात पडल्याचे प्रेक्षकांचे म्हणणे आहे. त्यांनी तशा वेगवेगळ्या प्रकारच्या कमेंटही दिल्या आहेत.

बबीता म्हणजे मुनमुन दत्ता आणि टप्पु राज अनादकट यांच्यातील प्रेम सोशल मीडियावर व्हायरल झालं आहे. त्या फोटोंमध्ये राजनं मुनमुनचा हात पकडून एक वेगळी पोझ दिली आहे. यावरुन प्रेक्षकांनी ते प्रेमात असल्याचा अंदाज बांधला आहे. त्यांच्या या फोटोला आतापर्यत अनेक लाईक्स आणि कमेंट्स आल्या आहेत. बबीता आणि टप्पुच्या अफेयरच्या बातमीनं त्या मालिकेच्या प्रेक्षकांना आणखी एक वेगळा विषय चर्चेसाठी भेटला आहे. त्यामुळे हे दोन्ही कलाकार एकदम लाईमलाईट मध्ये आले आहेत.