Veteran Telugu Actress Jamuna Demise : मनोरंजन विश्वातून एक दुःखद बातमी समोर आली आहे.

हेही वाचा : ....इथं बनतो आपला लाडका तिरंगा

दक्षिण भारतातील ज्येष्ठ अभिनेत्री जमुना यांचे वयाच्या ८६ व्या वर्षी निधन झाले आहे. जमुना यांचा जन्म 30 ऑगस्ट 1936 रोजी कर्नाटकातील हम्पी येथे झाला होता. जमुना यांचे खरे नाव जनाबाई असे होते. त्यांनी 1953 मध्ये वयाच्या 16 व्या वर्षी गरिकापरी राजा राव दिग्दर्शित 'पुट्टीलू' मधून अभिनय क्षेत्रातील करिअरची सुरुवात केली होती.

जमुना यांनी तेलुगू, तामिळ आणि 11 हिंदी चित्रपटांमध्ये काम केले आहे. जमुना यांना सुनील दत्त आणि नूतन अभिनीत मिलन (1967) चित्रपटासाठी सर्वोत्कृष्ट सहाय्यक अभिनेत्रीचा फिल्मफेअर पुरस्कार देऊन गौरवण्यात आले होते.  

 
अभिनयासह राजकराणातही केला होता प्रवेश

जमुना यांनी अभिनय क्षेत्रासह राजकारणातही नशीब आजमावले होते. काँग्रेसला पाठिंबा देऊन त्यांनी राजकारणात प्रवेश केला होता. 1980 मध्ये तत्कालीन पंतप्रधान इंदिरा गांधींच्या प्रभावाने त्यांनी काँग्रेस पक्षात प्रवेश केला होता. 

त्यानंतर 1989 मध्ये त्या राजमुंद्रीमधून लोकसभेवर निवडून आल्या. मात्र, 1991 मध्ये पराभव झाल्यानंतर त्यांनी राजकारणाला रामराम केला. नंतर त्यांनी भाजपमध्ये प्रवेश करत 1990 च्या उत्तरार्धात पक्षाचा प्रचार केला होता.