झी मराठी वाहिनीवर जानेवारी महिन्यापासून 'येऊ कशी तशी मी नांदायला' ही नवी मालिका प्रेक्षकांच्या भेटीला आली. या मालिकेने अल्पावधीतच प्रेक्षकांची मनं जिंकली. यामध्ये ओमकारची भूमिका साकारणारा अभिनेता शाल्व किंजवडेकर आणि स्वीटूची भूमिका साकारणारी अन्विता फलटणकर यांची केमिस्ट्री प्रेक्षकांना प्रचंड आवडली. मालिकेत ओमकार आणि स्वीटूमध्ये प्रेमाचं नातं खुलत असतानाच सोशल मीडियावर ओमकारच्या खऱ्या आयुष्यातील स्वीटूची चर्चा सुरू आहे. 

ओमकारच्या रिअल लाइफ गर्लफ्रेंडचं नाव श्रेया असून तिच्यासोबतचे बरेच फोटो तो इन्स्टाग्रामवर पोस्ट करत असतो. शाल्वचा जन्म २५ एप्रिल १९९६ रोजी झाला. शाल्वने याआधी काही चित्रपट, मालिका आणि वेब सीरिजमध्येही काम केलंय. 'हंटर' या हिंदी चित्रपटातही त्याने भूमिका साकारली होती. 

हेही वाचा : जाणून घ्या, मितालीने लग्नातल्या साड्यांची शॉपिंग कुठून केली?

शाल्व 'येऊ कशी तशी मी नांदायला' या मालिकेत शुभांगी गोखलेंच्या मुलाची भूमिका साकारत आहे. अंबरनाथची स्वीटू नोकरीकरिता मुंबईत आईच्या मैत्रिणीकडे राहायला आली आहे. स्वीट आणि ओमकारची चांगली मैत्री तर झालीच आहे. पण आता या मैत्रीत हळूहळू प्रेमाचं नातं खुलणार आहे.