Zarine Khan News: डेंग्यूमुळे अभिनेत्री जरीन खानला मुंबईतील रुग्णालयात दाखल करण्यात आले आहे. पिंकविलाच्या अहवालानुसार झरीन ताप आणि अंगदुखीने ग्रस्त होती आहे. बुधवारी तिने हॉस्पिटलमधून तिचे हेल्थ अपडेट शेअर केले.

(Zareen Khan hospitalised after dengue)

झरीनने हॉस्पिटलमधील फोटो पोस्ट केले आणि चाहत्यांना तिच्या आरोग्याबद्दल अपडेट केले. झरीनने चेहऱ्याची कोणतीही झलक न दाखवता फळांच्या रसाचा फोटो शेअर केला आणि कॅप्शनमध्ये जोडले, “#RecoveryMode”. तिने यापूर्वी हॉस्पिटलमधील एक फोटो देखील शेअर केला होता ज्यामध्ये ती IV हे लिक्विड घेताना दिसली होती.

झरीनने 2010 मध्ये आलेल्या वीर या चित्रपटातून अभिनय क्षेत्रात पदार्पण केले होते. ज्यामध्ये तिने राजकुमारीची भूमिका केली होती. सलमान खानने या सिनेमाच्या माध्यमातुन झरीनला लॉंच केलं. नंतर, 2011 च्या कॉमेडी-ड्रामा रेडीमध्ये सलमानसोबत कॅरेक्टर धीला या लोकप्रिय डान्स नंबरमध्ये अभिनय केल्यानंतर झरीन खऱ्या अर्थाने प्रसिद्ध झाली. याशिवाय हाऊसफुल 2 या सुपरहिट सिनेमात झरीन खान झळकली. याशिवाय, झरीनने हेट स्टोरी 3, अक्सर 2, 1921 अशा इतर अनेक चित्रपटांमध्ये देखील काम केले आहे.

2021 मध्ये झरीनचा शेवटचा सिनेमा रिलीज झालेला. मग झरीनने अभिनय सोडला अशी चर्चा सुरु झाली.

मग पुढे आईच्या तब्येतीमुळे चित्रपटांमधून ब्रेक घेतल्याचे स्पष्ट करून झरीनने हिंदुस्तान टाईम्सला सांगितले की, “माझी आई आता बरी आहे. ती १००% बरी नाही, तिची तब्येत सतत बदलत राहते. पण, जेव्हाही तिच्यासोबत चांगले दिवस येतात तेव्हा मला आनंद होतो."

दरम्यान झरीनचे चाहते तिच्या उत्तम आरोग्यासाठी प्रार्थना करत आहेत.