NIA Raid: देशविघातक कारवाया करणाऱ्या संघटनांमध्ये सहभाग असल्याच्या संशयावरुन एटीएस आणि एनआयएने शनिवारी पहाटे तीन ठिकाणी छापेमारी केली. देशात अनेक ठिकाणी रेड झालेल्या आहेत. महाराष्ट्रात छत्रपती संभाजी नगर, जालना, मालेगाव येथील काही तरुणांना पहाटे ताब्यात घेण्यात आल्याची माहिती आहे.

शनिवारी पहाटे एनआयएकडून देशविघातक कार्य करणाऱ्या तरुणांवर देशभर कारवाईची मोहीम उघडण्यात आलेली आहे. यापूर्वीदेखील महाराष्ट्रातील संभाजी नगर, जालना आणि मालेगाव येथे एनआयएने छापेमारी केलेली होती.

पहाटेपासूनच महाराष्ट्रातील तीन ठिकाणी एनआयए आणि एटीएसच्या पथकाने छापेमारी करत काही तरुणांना ताब्यात घेतल्याची माहिती आहे. एनआयए आणि एटीएसने महाराष्ट्रात संयुक्त कारवाई केली आहे.

देशविघातक काम करणाऱ्या आणि जम्मू काश्मीरमधील संघटनांशी संबंध असणाऱ्या काही तरुणांना ताब्यात घेतल्याची प्राथमिक माहिती आहे. 'साम टीव्ही'ने हे वृत्त दिले आहे. नेमक्या कुठल्या लोकेशन्सवर छापेमारी झाली आणि किती तरुणांना ताब्यात घेतलं, याबाबत अद्याप माहिती मिळालेली नाही.