हतनूर : सोलापूर-धुळे राष्ट्रीय महामार्गावरील हतनूर नजीक उड्डाणपुलाजवळ भरधाव कारच्या धडकेत एका पस्तीस वर्षीय मजूर महिलेचा मृत्यू झाल्याची घटना शुक्रवारी (ता.१) रात्री घडली. शेजा पप्पू भालेराव (वय ३५ रा.दिवशी ता.गंगापूर) असे अपघातात ठार झालेल्या महिलेचे नाव आहे.

सोलापूर- धुळे राष्ट्रीय महामार्गावरील दुभाजकावरील झाडांची कापणी व गवत काढणीचे काम अनेक दिवसांपासून मजूर महिलांच्यामार्फत करण्यात येत आहे. शुक्रवारी हतनूर नजीकच्या उड्डाणपुलाजवळ महामार्गावरील दुभाजकावर झाडांची कापणी व दुभाजकावरील गवत काढणीचे काम सुरु असताना शुक्रवारी (ता.१) दुपारच्या सुमारास सदर महिलेस कन्नडहून छत्रपती संभाजीनगरकडे जात असलेल्या कारने (क्र.एम.एच- ४६ बी.के-३९६३) कारने सदरील महिलेला जोराची धडक दिली.

त्यात महिला गंभीर जखमी झाली. जखमी अवस्थेत महिलेला छत्रपती संभाजीनगर येथील दवाखान्यात दाखल केले,. यानंतर उपचारादरम्यान महिलेचा मृत्यू झाला. हतनूर बिटचे जमादार कैलास करवंदे, संजय आटोळे, पोलीसमित्र संतोष ढोले यांनी घटनास्थळी धाव घेत. पंचनामा केला. अपघातग्रस्त कार पोलिसांनी ताब्यात घेतली आहे. चालकाविरुद्ध गुन्हा नोंद करण्यात आला आहे. तपास सपोनि तात्याराव भालेराव यांच्या मार्गदर्शनाखाली सुरु आहे.