छत्रपती संभाजीनगर : सावंगी बायपासने केंब्रिजकडून सावंगी गावाकडे जाणाऱ्या दुचाकी (एमएच२० डीआर ५१०३) आणि कारचा (एमएच ५ एएक्स ९२०४) गुरुवारी (ता. दोन) रात्री साडेनऊच्या सुमारास अपघात झाला. यात दुचाकीचालक ठार झाला. दरम्यान, कार चालक फरार झाला. शागीर शाह शब्बीर शाह (रा. अन्वी डोंगरगाव, ता. सिल्लोड) असे मृताचे नाव आहे. यामुळे या रस्त्यावर दोन्ही बाजूने वाहनांच्या रांगाच रांगा लागल्या होत्या.
घटनेनंतर काही नागरिकांनी पोलिसांसह १०८ रुग्णवाहिकेला फोन केला. पहिल्यांदा चिकलठाणा पोलिस घटनास्थळी दाखल झाले. त्यापाठोपाठ सिडको एमआयडीसी पोलिस दाखल झाले. त्यानंतर सिडको एमआयडीसीच्या पोलिसांनी त्यांच्या वाहनातून मृतदेह घाटी रुग्णालयाकडे रवाना केला, अशी माहिती पोलिस निरीक्षक गौतम पातारे यांनी दिली. दरम्यान, कार चालकाने घटनास्थळावरून पळ काढला.
रुग्णवाहिका उशिरा
काही नागरिकांनी १०८ रुग्णवाहिकेला फोन लावला. ही रुग्णवाहिका तब्बल तासभर उशिराने आली. पण, मृतदेह आम्ही घेऊन जात नसल्याने सांगत रुग्णवाहिका तशीच परत गेली. १०८ रुग्णवाहिका वेळेवर आली नसल्याचेही प्रत्यक्षदर्शी, पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.