औरंगाबाद : एसटी महामंडळात (Maharashtra State Transport Corporation) निवृत्त सहाय्यक वाहतूक निरीक्षकाने (Assistant Transport Inspector) तब्बल ३६ वर्षे सेवा केल्यानंतरही केवळ १५ वर्षांची सेवा ग्राह्य धरण्यात आली. त्यामुळे मोठा आर्थिक फटका बसल्याने न्याय द्यावा, अशी विनंती जगन्नाथ बागूल यांनी केली आहे. एसटी महामंडळात जगन्नाथ बागुल हे १९६७ मध्ये सेवेत रुजु झाले होते. मात्र १९८२ मध्ये ते आजारी पडल्याने १८ दिवस कार्यालयात हजर राहू शकले नाही. त्यामुळे त्यांच्या विरोधात निलंबन आणि नंतर (Aurangabad) बडतर्फीची कारवाई करण्यात आली. त्यामुळे त्यांनी कामगार न्यायालयात धाव घेतली, कामगार न्यायालयाने त्यांना सेवेत घेऊन लाभ देण्याचे आदेश दिले. त्यानंतर एसटीने त्यांना सेवेत रुजू करुन घेण्यात आले. मात्र २००३ मध्ये सेवानिवृत्त झाल्यानंतर त्यांना खरा मनस्ताप सुरु झाला. तब्बल ३६ वर्ष सेवा केल्यानंतरही त्यांची सेवा केवळ १५ वर्षे दाखवण्यात आली आहे.

सेवा कमी दाखवण्यात आल्याने त्यांना केवळ ८१० रुपये पेन्शन मिळत आहे. तोकड्या पेन्शनमुळे त्यांना हलाखीचे दिवस काढावे लागत आहेत. त्यामुळेच आतापर्यंतचे एकूण ४९ वर्षाची थकीत सुधारीत वेतनश्रेणी दान उपदान व पदोन्नतीचे वाढीव रक्कम अंदाजे दहा लाख रुपये देण्याची मागणी जगन्नाथ बागुल यांनी केली आहे. या संदर्भात ते सातत्याने एसटीच्या विभाग नियंत्रकांपासून वरिष्ठ अधिकाऱ्यांकडे पाठपुरावा करण्यात येत आहे.