औरंगाबाद : जगप्रसिद्ध अजिंठा (Ajanta Caves) व वेरुळ (Ellora Caves) लेण्यांसह इतर पर्यटनस्थळे पर्यटकांसाठी आज बुधवारपासून (ता.दोन) पुन्हा सुरु करण्यात आले आहे. कोरोनाची रुग्णसंख्या वाढल्याने पर्यटनस्थळे तीन आठवडे बंद करण्यात आली होती. पर्यटनस्थळांना भेट देण्यापूर्वी पर्यटकांना ऑनलाईन तिकिट विकत घ्यावे लागेल. तसेच कोरोनाचे दोन्ही डोस घेणे बंधनकारक आहे. औरंगाबादमधील (Aurangabad) पर्यटनस्थळे कोरोनाच्या वाढत्या रुग्णसंख्येमुळे ८ जानेवारीपासून बंद करण्यात आले होते. आता जिल्हा प्रशासनाने ती उघडण्यास परवानगी दिली आहे. (Ajanta, Ellora Caves And Other Tourist Places Reopen In Aurangabad)

पर्यटकांच्या संख्येवर मर्यादा नाही. मात्र तिकिट ऑनलाईन घ्यावे लागेल. कोरोना लस न घेतलेल्यांना पर्यटनस्थळावर प्रवेश दिला जाणार नसल्याचे भारतीय पुरातत्त्व विभागाच्या अधिकाऱ्याने सांगितले आहे.