पाचोड (औरंगाबाद): विहिरीवर पाणी आणण्यासाठी गेलेल्या एकोणीस वर्षीय महाविद्यालयीन तरुणीचा पाणी शेंदताना पाय घसरून विहिरीत पडल्याने मृत्यू झाला आहे. ही दुर्दैवी घटना थेरगाव (ता.पैठण) शनिवारी (ता.तीन)  सकाळी सातच्या वाजेच्या सुमारास घडली.  कु.पूजा राम चोरमले असे मृत्यू झालेल्या महाविद्यालयीन तरुणीचे नाव आहे.

यासंबंधी अधिक माहिती अशी की, थेरगाव (ता.पैठण) शिवारात राम यशवंतराव चोरमारे हे आपल्या कुटुंबियांसह शेतात वस्तीवर वास्तव्य करून राहतात. त्यांची  बारावीत शिक्षण घेणारी मुलगी कु. पुजा चोरमारे ही नित्यनियमाप्रमाणे सकाळी उठून आपले घरकाम करून विजेचे भारनियमन असल्याने व घरी पाणी नसल्याने ती पाणी आणण्यासाठी आपल्या घराजवळील विहीरीवर गेली. ती पाणी शेंदत असताना तीचा तोल जाऊन, पाय घसरून ती विहिरीत पडली.

लॉकडाउनमुळे कुंभारांवर उपासमारीची वेळ; विक्री अभावी माठ, रांजण दारातच पडून

पाणी आणण्यासाठी गेलेली पूजा विहिरीवर जाऊन एक तास उलटला तरी, ती घरी न परतल्याने आई - वडिलांसह घरातील नातेवाईकांनी विहिरीकडे धाव घेतली. विहिरीत डोकावून पाहिले असता त्यांना विहिरीमध्ये पाणी शेदण्याची बादली व पुजाचा मृतदेह पाण्यावर तरंगत असल्याचे दिसून आले. समोरील दृश्य पाहून सर्वांनी हंबरडा फोडला. विहिरीवर ओरडण्याचा आवाज ऐकूण ग्रामस्थानीही घटनास्थळी धाव घेवून या घटनेची ग्रामस्थासह पाचोड पोलिसांना दिली.

जालना सरकारी रुग्णालयांत उरल्या जेमतेम खाटा; वाढती रुग्णसंख्या चिंताजनक

ग्रामस्थांच्या मदतीने पुजाचा मृतदेह विहीरी बाहेर काढण्यात आला. त्यानंतर पुजाचा मृतदेह उत्तरणीय तपासणीसाठी पाचोडच्या ग्रामीण रुग्णालयात नेण्यात आला. वैद्यकिय  तपासणीनंतर मृत घोषित केले.