आडुळ (जि.औरंगाबाद) : बीडकडुन येणाऱ्या कारच्या चालकाचे कारवरील नियंत्रण सुटल्याने कार दुभाजक ओलांडून औरंगाबादकडुन पाचोडकडे जाणाऱ्या ट्रकला समोरुन धडकली. यात कारमधील एक जण जागीच ठार , तर तिन जण जखमी झाल्याची घटना शनिवारी (ता.२०) रोजी रात्री पाऊणे बाराच्या सुमारास औरंगाबाद-सोलापूर राष्ट्रीय महामार्गावरील रजापुर (ता.पैठण) शिवारात घडली आहे.
औरंगाबाद- सोलापूर राष्ट्रीय महामार्गावर भरधाव वेगाने बीडकडून औरंगाबादकडे जाणारी कार (एमएच २० ईवाय ६९५३) रजापुर शिवारात चालकाचे कारवरील नियंत्रण सुटल्याने दुभाजक ओलांडून औरंगाबादकडून पाचोडकडे जाणाऱ्या ट्रकला (एमएच ०४ जेके ४५६५) धडकल्याने कार व ट्रकचा भीषण अपघात झाला.
वाचा - मोबाइलचे हप्ते थकले ते भरून टाक, असे म्हणताच महिलेला संताप अनावर धारदार वस्तूने केला एकाला जखमी
यात कारचा चुराडा होऊन कारमधील मोरेश्वर वैद्य हे जागीच ठार झाले, तर संजय मांडे हे गंभीर झाले. हे दोघेही औरंगाबाद येथील रहिवासी आहेत. मागे बसलेली एक महिला व एक छोटी मुलगी किरकोळ जखमी झाले आहेत. त्यांची नावे वृत्त लिहेपर्यंत माहित झाली नव्हती. जखमींना आयआरबीच्या 1033 रुग्णवाहिकेचे डॉक्टर डॉ. विजय धारकर, चालक आत्मराम गाढेकर, रवी गाढे यांनी पुढील उपचारासाठी औरंगाबाद येथे हलविले. थापटी तांडा येथील विनोद राठोड व ग्रामस्थांनी मदत कार्य केले.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.