Abddul Sattra News : बंडखोरी करून सत्तेत आलेल्या शिंदे गटाच्या आणि त्यांच्या गटातील मंत्री अब्दुल सत्तारांच्या अडचणी काही केल्या कमी होताना दिसून येत नाहीये. शिंदे गटातील कृषीमंत्री असलेले सत्तार यांनी औरंगाहबाद खंडपीठाने नोटीस बजावली आहे. या प्रकरणात अब्दुल सत्तार यांनी कोणतेही हस्तक्षेप करू नये असे आदेश कोर्टाने दिले आहे.

बाजार समितीच्या जागेचे व्यवहार प्रकरणावर न्यायालयाने व्यवहार करण्यास मान्यता दिली होती. मात्र, त्यानंतरही तत्कालीन महसूल राज्यमंत्री अब्दुल सत्तार यांनी एका अर्जावर या व्यवहाराला स्थगिती दिली होती. या प्रकरणी ही नोटीस बजावण्यात आली आहे. एवढेच नव्हे बाजार समितीच्या संचालक मंडळावर गुन्हे दाखल करण्याचे आदेश सत्तारांनी दिले होते.

औरंगाबाद खंडपीठाने तत्कालीन महसूल राज्यमंत्री अब्दुल सत्तार यांच्या निर्देशाने कृउबा समितीच्या जिन्सी येथील जागेबाबत झालेल्या व्यवहाराच्या चौकशीच्या आदेशाला स्थगिती दिली आहे. सत्तार यांच्यासह डॉ. दिलावर बेग यांनाही नोटीस बजावण्याचे आदेश दिले आहे. तसेच औरंगाबाद बाजार समितीच्या जिन्सी येथील जागेच्या व्यवहारांबाबत विद्यमान कृषी आणि तत्कालीन महसूल राज्यमंत्री अब्दुल सत्तारांकडे किती तक्रार अर्ज केले, याची चौकशी करून त्यासंबंधी सीलबंद अहवाल दाखल करण्याचे आदेशही मुंबई उच्च न्यायालयाच्या औरंगाबाद खंडपीठाने दिले आहेत.