सोयगाव (जि.औरंगाबाद) : कोरोना संसर्गाचे ९४ रुग्णसंख्या प्रगतीपथावर असलेल्या सोयगाव तालुक्याचा कोरोना लसीकरणाचा साठा शुक्रवारी (ता.२६) ड्राय झाल्याने जिल्हा परिषदेचा आरोग्य विभाग लसीकरणाअभावी कोरडाठाक झाला असल्याने तिसऱ्या टप्प्याचे अंतिम टप्प्यात आलेले लसीकरण रखडले आहे. सोयगाव तालुक्यात आरोग्य विभागाकडून लसीकरण गतिमान करण्यात आले असतांना सोयगाव ग्रामीण रुग्णालयासह जरंडी, बनोटी, फर्दापूर आणि सावळदबारा या पाच केंद्रांवर गतिमान लसीकरण हाती घेण्यात आले होते. यासाठी तालुका आरोग्य विभागाकडून नियोजन करण्यात आले असतांना अचानक सोयगाव तालुक्यातील लसीकरणाचा साठा संपल्याने लसीकरण रखडले असल्याने चिंतेची बाब झाली आहे.

कोरोना संदर्भातील अटी नियम पाळाल, तरच मिळेल पेट्रोल-डिझेल

एकीकडे कोरोना संसर्गाचे रुग्णसंख्या वाढती होत असतांना ९४ रुग्ण कोरोनाचं दुसऱ्या लाटेत सोयगाव तालुक्यात प्रगतीपथावर आहे. त्यापैकी पाच ४४ रुग्णांना तातडीने उपचार करून कोरोनमुक्त करण्याची जबाबदारी तालुका आरोग्य विभागाने पूर्ण केली असता. मात्र दुसरीकडे मात्र लसीच्या साठ्याअभावी सोयगाव तालुक्यात अडथळे निर्माण झाले आहे. गतिमान लसीकरणात सोयगाव तालुक्यात तिघेही टप्प्यात तब्बल 3 हजारावर नागरिकांना पाचही केंद्रांवर लसीकरण करण्यात आल्याची माहिती आरोग्य विभागाने दिली आहे. मात्र अचानक साठा संपल्याने मोठी अडचण निर्माण झालेली आहे.

‘घाटी’च्या फोटोवरुन ट्रोलींगवॉर! व्हायरल फोटोमुळे टिकेचीही झोड

फर्दापूरला नव्याने केंद्र
सोयगाव ग्रामीण रुग्णालयासह चार लसीकरण केंद्रे असतांना प्रक्रिया गतिमान करण्यासाठी तहसीलदार प्रवीण पांडे, तालुका आरोग्य अधिकारी डॉ.श्रीनिवास सोनवणे यांच्या कल्पकतेतून नव्याने फर्दापूर गावाला लसीकरण कार्यान्वित करण्यात आले. मात्र अचानक साठा संपल्याने पाचही केंद्रांवर लसीकरण ठप्प झाले आहे.

संपादन - गणेश पिटेकर