वैजापूर (जि.औरंगाबाद) : वैजापूर तालुक्यातील नाराळा शिवारा (वाघला) येथे शेतवस्तीवरील राहत्या घरात घुसून तिघांना मागील चार वर्षांपूर्वीच्या शेती वादातून कुऱ्हाडीने मारहाण केली. यात गंभीर जखमी  वृद्ध महिलेचा मृत्यू झाला आहे.याबाबत पोलिसांनी दिलेली माहिती अशी, की तालुक्यातील नाराळा शिवारातील  गट नंबर १७८ मध्ये शेतवस्तीवर मंगळवारी (ता.३०) दुपारी चार वाजेच्या सुमारास अचानक घरात घुसून आरोपींनी कुऱ्हाडीने मारुन गंभीर जखमी केले. जखमींना वैजापूर येथील उपजिल्हा रुग्णालयात उपचारासाठी दाखल केले. परंतु जखमींची परिस्थिती गंभीर असल्याने या तिघांनही औरंगाबाद येथील घाटी हलविण्यात आले.

यामध्ये शंवताबाई भिवाजी सोमासे यांचा उपचारादरम्यान रात्री साडेदहा वाजता मृत्यू झाला असून भिवाजी किसन सोमासे व कविता रविंद्र सोमासे यांचा घाटी रुग्णालयात उपचार सुरू आहे. जखमी भिवाजी किसन सोमासे (वय 80), शेवंताबाई भिवजी सोमासे (वय 72)  व कविता रविंद्र सोमासे (वय 36 , रा नाराळा शिवार गट नंबर 178) यांना आरोपी शिवाजी किसन सोमासे (वय 80), जनाबाई शिवाजी सोमासे (वय 75),  लक्ष्मण शिवाजी सोमासे (वय 32), कृष्णा शिवाजी सोमासे (वय 30), आशाबाई लक्ष्मण सोमसे (सर्व रा.नारळा शिवार गट नंबर 178) यांच्या विरोधात वैजापूर पोलीस ठाण्यात विविध प्रकारच्या कलमांनुसार गुन्हा नोंदविण्यात आला असुन हे सर्व आरोपींना अटक करण्यात आली आहे. अधिक तपास पोलिस उपनिरीक्षक जाधवर व पोलिस काॅन्टेबल महेश बिरुटे हे करित आहेत. या घटनेची परिसरात व हळहळ केली जात आहे.

संपादन - गणेश पिटेकर