औरंगाबाद : शहरातील सिडको एन-आठ येथील स्वातंत्र्यवीर विनायक दामोदर सावरकर या महापालिकेच्या (Aurangabad Municipal Corporation) रुग्णालयात लसीकरणासाठी (Corona Vaccination Site) ज्येष्ठ नागरिकांची गुरुवारी (ता.सहा) गर्दी केली होती. आजच्या दिवशी केवळ दीडशे नागरिकांनाच लस देण्याचे नियोजन असताना पाचशेहून अधिक लोकांनी याठिकाणी गर्दी केल्याचे दिसले. या केंद्रावर सकाळी सव्वा दहा ते दुपारी चार वाजेदरम्यान लसीकरण (Corona Vaccination) होते. (Aurangabad Live Updates Crowds At Vaccination Site, Threat For Close)

रोजच्या रोज या ठिकाणी जेवढे उपलब्ध डोस असतील, त्या प्रमाणात टोकण दिले जातात. टोकण घेण्यासाठी लोकांना सकाळी सात वाजेपासून याच रांगेत उभे राहायला सांगतात. साडेनऊ वाजल्यानंतर टोकण वाटप केले जाते.

लसीकरण सुरू होण्यापूर्वीच लोकांना तीन तास उन्हामध्ये उभे राहावे लागते. रांगेत साधारणत चारशे ते पाचशे लोक रांगेत उभे आहेत. मर्यादित डोस असल्याने त्यांना पाच तास रांगेत उभे राहिल्यानंतरही माघारी परतावे लागते. या ठिकाणी फक्त ज्येष्ठ नागरिकांसाठी लसीकरण होत आहे. इतका वेळ थांबून ही त्यांना उभे रहायला ना मंडप आहे, ना पिण्यासाठी पाणी आहे, याठिकाणी फिजिकल डिस्टंसिंगच्या नियमाचे पालन होताना दिसत नाही. लोकांनी लसीकरण, टोकण याबाबत विचारणा केली असता, या ठिकाणचे आरोग्य अधिकारी लसीकरण केंद्रच बंद करत करेन, अशी लोकांना धमकी देत आहेत.