Aurangabad municipal corporation Pay and Park 
छत्रपती संभाजीनगर

औरंगाबाद : ‘पे अँड पार्क’ लवकरच

शहरात एक ऑगस्टपासून सात ठिकाणी होणार प्रयोग

सकाळ वृत्तसेवा

औरंगाबाद - शहरात सात ठिकाणी महापालिकेतर्फे एक ऑगस्टपासून ‘पे अँड पार्क’ तत्त्वावर पार्किंगची सुविधा उपलब्ध करून दिली जाणार आहे. दोन महिने ही सेवा विनाशुल्क असेल, त्यानंतर वाहन पार्क करणाऱ्यांना पैसे मोजावे लागतील, असे स्मार्ट सिटीतर्फे सांगण्यात आले.

महापालिकेने अद्याप पार्किंग धोरण ठरविले नव्हते. त्यामुळे स्मार्ट सिटी अभियानातून पार्किंग धोरण तयार केले जात आहे. त्यासाठी प्रशासक आस्तिककुमार पांडेय, औरंगाबाद स्मार्ट सिटी डेव्हलपमेंट कॉर्पोरेशनचे अतिरिक्त मुख्य कार्यकारी अधिकारी अरुण शिंदे, उपमुख्य कार्यकारी अधिकारी तथा महापालिकेच्या उपायुक्त अपर्णा थेटे यांनी पुढाकार घेतला आहे. पहिल्या टप्प्यात सात ठिकाणी पार्किंग धोरणाची अंमलबजावणी केली जाणार आहे. पार्किंग धोरणाबद्दलचे सादरीकरण सोमवारी स्मार्ट सिटीच्या कार्यालयात करण्यात आले. त्याविषयी स्मार्ट सिटीच्या माध्यम विश्लेषक अर्पिता शरद यांनी सांगितले, की पे अँड पार्कसाठी ‘करब्लेट अॅप’ तयार करण्यात आले आहे.

हे अॅप आपले वाहन पार्क करू इच्छिणाऱ्या प्रत्येकाला डाऊनलोड करावे लागेल. हे अॅप डाऊनलोड केल्यावर त्या आधारे पार्किंगच्या जागेवर वाहन पार्क करण्यासाठी स्लॉट आहे का याची माहिती मिळणार आहे. स्लॉट आहे असे लक्षात आल्यावर संबंधित व्यक्तीला वाहन पार्क करण्यासाठी अॅपच्या आधारेच जागा निश्चित करुन घ्यावी लागणार आहे. अॅपच्याच आधारे ऑनलाइन पेमेंटची व्यवस्था देखील करण्यात आली आहे. पार्किंगच्या जागीदेखील पेमेंटची व्यवस्था केली जाणार आहे. क्युआरकोड स्कॅनकरुन नागरिकांना पार्किंगचे शुल्क भरता येणार आहे.

याठिकाणी असेल सुविधा

पार्किंगची सुविधा एक ऑगस्टपासून सिडको कॅनॉट प्लेस, निराला बाजार, उस्मानपुरा, अदालत रोड, सूत गिरणी चौक, पुंडलिकनगर, टीव्ही सेंटर या सात ठिकाणी प्रायोगिक तत्वावर सुरु केली जाणार आहे. एक ऑगस्टला सिडको कॅनॉट प्लेस येथे या उपक्रमाचे उद्‍घाटन केले जाणार आहे. सुरवातीला दोन महिने ही सुविधा विनामूल्य असेल. त्यानंतर नागरिकांना पैसे मोजावे लागतील.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Chetan Tupe won Hadapsar Assembly Election 2024: हडपसरमधील परंपरा मोडत चेतन तुपे यांचा विजय; प्रशांत जगताप यांचा पराभव

UP By Election: उत्तरप्रदेशात सुद्धा भगवे यश! पोटनिवडणुकीत योगींनी लोकसभेचे अपयश धुवून काढले, जाणून घ्या करणे

Maharashtra Assembly Election 2024 Results Vote Counting Live Updates: वांद्रे पूर्वमधून शिवसेना उद्धव बाळासाहेब ठाकरे पक्षाचे वरुण सरदेसाई विजयी

Nanded Lok Sabha By Election Result 2024 : पोटनिवडणुकीतही काँग्रेसला मोठा झटका; गमावलेली नांदेडची जागा भाजपनं जिंकली

BJP Pravin Datke Won Nagpur Central Election : नागपूर मध्यचा गड भाजपने राखला, भाजपचे प्रवीण दटके 11516 मतांनी विजयी

SCROLL FOR NEXT