औरंगाबाद : शहरातील रस्त्यावर होणाऱ्या बेशिस्त पार्किंगला शिस्त लावण्यासाठी महापालिकेने स्मार्ट सिटीच्या माध्यमातून पार्किंग धोरण तयार केले आहे. त्यानुसार पहिल्या टप्प्यात सात रस्त्यांवर पार्किंगचे धोरण राबविले जाणार आहे. या धोरणाची अंमलबजावणी एक ऑगस्टपासून करण्यात येणार असल्याची घोषणाही करण्यात आली पण कॅनॉट प्लेस वगळता इतर भागात पार्किंग धोरणाची अंमलबजावणी करण्यात आलेली नाही. दरम्यान प्रशासक डॉ. अभिजित चौधरी मंगळवारी (ता. १८) आढावा घेणार आहेत.
शहरातील पार्किंगचा प्रश्‍न दिवसेंदिवस गंभीर होत आहे. त्यामुळे महापालिकेने स्मार्ट सिटी अभियानाअंतर्गत तीन चार वर्षांपासून बैठका घेत पार्किंग धोरण तयार केले आहे. त्यानुसार ‘पे ॲण्ड पार्कसाठी ‘करब्लेट ॲप’ तयार करण्यात आले आहे. हे ॲप डाऊनलोड केल्यानंतर शहरातील सात रस्त्यावर पार्किंगच्या जागा शिल्लक आहेत का? याची माहिती मिळणार आहे. जागा असल्याचे दिसल्यानंतर ॲपच्या माध्यमातून पार्किंग बुक करण्याची व्यवस्था या ॲपमध्ये आहे. तसेच पार्किंगच्या जागीदेखील पैसे देण्याची व्यवस्था केली जाणार आहे.
क्यूआर कोड स्कॅन करून नागरिकांना पार्किंगचे शुल्क भरता येणार असल्याचे जाहीर करण्यात आले होते. सिडको कॅनॉटप्लेस, निराला बाजार, उस्मानपुरा, अदालत रोड, सूत गिरणी चौक, पुंडलिकनगर, टीव्ही सेंटर या सात ठिकाणी प्रायोगिक तत्त्वावर पार्किंग धोरणाची अंमलबजावणी केली जाणार आहे. सुरवातीला दोन महिने ही सुविधा मोफत असेल, असेही जाहीर करण्यात आले होते. पण सिडको कॅनॉट येथेच कंत्राटदाराने काम सुरू केले. पण दरम्यानच्या काळात प्रशासक बदलले व महापालिकेकडून प्रतिसाद न मिळाल्याने कंत्राटदाराने पुढील काम थांबविले असल्याचे सूत्रांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.