गंगापूर तालुक्यातील शेंदूरवादा परिसरात बुधवारी (ता.२५) सकाळपासून झालेल्या वादळी पावसाने शेकडो हेक्टरवरील कपाशी, मिरची, मका, ऊस, बाजरी, आडवी झाली.
सततच्या पावसामुळे शेंदुरवादा महसुली मंडळातील टेंभापुरी, गुरुधानोरा, नागापूर, शिवपूर, मांडवा, तांदुळवाडी, सावखेडा, मांगेगाव, कोंडापूर गावातील मूग, बाजरी, कापूस ही पिके पिवळी पडली, कापूस फुटण्याच्या काळात कापसाच्या कैऱ्या सडल्याने शेतकरी हवालदिल झाला आहेत.
ऐन काढणीत आलेल्या बाजरी, सोयाबीन पिकही हातातून जाण्याची भीती व्यक्त केली जात आहे. पिके आडवी झाल्याने उत्पादनास मोठा फटका बसण्याची शक्यात आहे.
अती पावसामुळे तालुक्यात झालेल्या पीक नुकसानीचा तत्काळ पंचनामे करण्याचे आदेश अधिकाऱ्यांना दिलेत. नदीकाठच्या नागरिकांना सतर्कतेचा इशारा दिला आहे.
शेतकऱ्यांनी पिकांतील तुंबलेले पाणी बाहेर काढावे. तुंबलेल्या पाण्यामुळे झाडांना जमिनीतील मूलद्रव्य शोषता येत नाही. बुरशीचा प्रादुर्भाव वाढवू नये म्हणून शिफारशीनुसार बुरशीनाशकाचा वापर करावा.
— बापूराव जायभाय, तालुका कृषी अधिकारी.
शेंदूरवादा परिसरात सततच्या पावसाने मोठ्या प्रमाणावर पिकांचे नुकसान झाले. शासनाने तत्काळ दखल घेऊन शेतकऱ्यांना भरीव स्वरूपाची मदत करावी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.