लासूर स्टेशन : गंगापूर तालुक्यातील दिवशी पिंपंळगाव शिवारातील एका फॉर्म हाऊसमध्ये सुरु असलेल्या पत्त्यांच्या जुगारावर छापा टाकून शिल्लेगाव पोलीस व स्थानिक गुन्हे शाखेने संयुक्त कारवाई केली. तब्बल पंचवीस लाखांवर रोख रक्कम जप्त केली असून एक कोटी 82 लाखाचा मुद्देमाल जप्त केल्याची माहिती शिल्लेगाव पोलिसांनी दिली.

शिल्लेगाव पोलिस ठाण्याच्या हद्दीत दिवशी पिंपळगाव येथील मनोजकुमार फुलचंद दगडा यांचा फार्म हाऊस असून तेथे पत्त्यावर जुगार खेळ खेळत असल्याची पोलिसांना माहिती मिळाली त्यावरून पोलीस अधीक्षक मनीष कलवानिया, अप्पर पोलिस अधीक्षक डॉ.पवन बनसोडे, गंगापूरचे डीवायएसपी प्रकाश बेले, शिल्लेगावचे पोलीस निरीक्षक मच्छिन्द्र सुरवसे, गुन्हे शाखेचे पोलीस निरीक्षक रामेश्वर रेंगे, फौजदार ठुबे संयुक्त कारवाई करून या फार्म हाऊस वर छापा टाकला.

यावेळी संशयीत आरोपी पुनम सिंग सुनील ठाकूर (वय 33) (रांजणगाव, औरंगाबाद, राहुल सुरेश परदेशी (वय 33) पदमपुरा, औरंगाबाद, गणेश रावसाहेब पोटे (वय 28) नागेश्वरवाडी, औरंगाबाद,'अभिषेक वसंतकुमार जैन (वय 38) वर्धमाननगर,जालना, कुणाल दिलीपकुमार बाकलीवाल, शहागंज, औरंगाबाद, संदीप सुधाकर लिंगायत (वय 37) चेलीपुरा,औरंगाबाद,;मनोजकुमार फुलचंद दगडा (वय 46). सिडको N 9 औरंगाबाद यांचेवर कारवाई केली.

या कारवाईतील मुद्देमालात पाच व्हीआयपी चारचाकी गाड्या पोलिसांनी जप्त केल्या असून पोलिसांची ही सर्वात मोठी कारवाई आहे. सर्व स्तरातून पोलिसांचे कौतुक व अभिनंदन करण्यात येत आहे.