सिल्लोड : तालुक्यात गेल्या दोन वर्षांपासून अस्मानी संकटाची मालिका सुरूच असल्याने शेतकरी हैराण झाले आहे. हातातोंडाशी आलेला शेतीमालाचा घास जमा करताना बळिराजाची दमछाक होत असल्याचे चित्र सिल्लोडमध्ये दिसून येत आहे.
मागील वर्षी देखिल खरिपाच्या पिकांना परतीच्या पावसाचा मोठा फटका बसला होता. तर यावर्षी तालुक्यात पावसाने सुरूवातीस पाठ फिरविल्याने याचा फटका खरीप पिकांच्या वाढीवर झाला. तर मिळेल ते खरिपाचे उत्पादन पदरात पडेल अशी आशा असताना अवकाळीच्या तडाख्यात मोडून ठेवलेला शेतीमाल सापडल्याने मका, कापूस जमा करताना पुन्हा एकदा शेतकऱ्यांची दमछाक होत आहे.
यावर्षी देखील कमी पावसाचा फटका कपाशीसह मका पिकाला बसल्याने उत्पन्नात मोठ्या प्रमाणात घट झाली आहे. त्यामुळे आहे तो शेतीमाल मिळविण्याचा प्रयत्न करीत असलेल्या शेतकऱ्यांना तारेवरची कसरत करावी लागत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.