बिडकिन : येथील पैठण ते छत्रपती संभाजीनगर रोडवरील फारोळा जलशुद्धीकरण केंद्रात पाणीपुरवठा करणारी ७०० व्यासाची जलवाहिनी फुटल्याने लाखो लिटर पाणी वाया जात आहे.आज पैठण ते छत्रपती संभाजीनगर रोडवरील ढोरकिन येथील बाजारळ परिसरात जुनी पाणीपुरवठा करणारी जलवाहिनी निखळून लाखो लिटर पाणी वाया जात होते.

दिवसभरातील जलवाहिनी फुटून लाखो लिटर पाणी वाया जाण्याची हि दुसरी घटना समोर आली आहे.बिडकिन गावानजिक असलेल्या पुलाजवळ जलवाहिनीच्या पाइपलाइन फुटल्याने मोठ्या प्रमाणावर पाण्याचे फवारे ये-जा करत असलेल्या दुचाकी व चारचाकी आणि इतर वाहनांवर

पडत होते.फारोळा जलशुद्धीकरण केंद्रात पाणीपुरवठा करणारी जलवाहिनी फुटल्याची हि सहावी घटना असल्याने मोठ्या प्रमाणावर पाणी वाया जात आहे.वारंवार जलवाहिनीच्या दुरुस्ती ची कामे मोठ्या प्रमाणावर सुरू असताना हि जलवाहिनी फुटायची वेळ चुकत नाही.दोन्ही घटनास्थळी महानगरपालिका अधिकारी व कर्मचारी आणि फारोळा जलशुद्धीकरण केंद्रातील स्थानिक कर्मचारी यांच्या वतीने दुरुस्ती चे काम सुरू आहे.