पाचोड (जि.औरंगाबाद ) : औरंगाबाद (Aurangabad) जिल्ह्यातील पाचोड (ता.पैठण) येथील पन्नास वर्षीय व्यक्तीने सोमवारी (ता.१३) दुपारी तीन वाजेच्या सुमारास विहीरीत उडी घेऊन आत्महत्या केल्याची घटना घडली. मिठ्ठु नारायण साबलकर असे त्या आत्महत्या केलेल्या व्यक्तीचे नाव आहे. यासंबंधी अधिक माहिती अशी, पाचोड येथील मिठ्ठू साबलकर (वय ५०) हे सोमवारी (ता.१३) सकाळी कुणाला काही एक न सांगता घराबाहेर गेले. ते उशीरापर्यंत घरी न परतल्याने कुुटुंबियांनी त्यांची सर्वत्र शोधाशोध केली. दुपारी तीन वाजेच्या सुमारास गावातील काही नागरिक सुरेश भुमरे यांच्या विहीरीकडे काही गेले असता त्यांना मिठूठु साबलकर यांचा मृतदेह विहिरीत दिसुन आला. (Man End Himself After Jumping Into Well In Paithan Taluka Of Aurangabad)

त्यांनी या घटनेची माहिती गावातील नागरिकांना दिली असता गावकऱ्यांनी घटनास्थळी धाव घेतली. तोच या घटनेची माहीती पाचोड पोलिसांना मिळताच बीट जमादार संतोष चव्हाण, रविंद्र आंबेकर यांनी घटनास्थळी धाव घेऊन पंचनामा केला. या घटनेची पाचोड पोलिस ठाण्यामध्ये नोंद करण्यात आली असून पोलिसांनी आकस्मिक मृत्यू म्हणून नोंद केली.

पुढील तपास पाचोड पोलीस ठाण्याचे सहायक पोलीस निरीक्षक गणेश सुरवसे यांच्या मार्गदर्शनाखाली पोलिस कर्मचारी करीत आहे. आत्महत्येचे नेमके कारण समजले नाही.