छत्रपती संभाजीनगर, ता. ६ ः घरातून औषधी घेण्यासाठी गेलेल्या १४ वर्षीय मुलीला पळवून नेत अनेक गुन्हे दाखल असलेल्या गुन्हेगाराने अत्याचार केला. या प्रकरणी पुंडलिकनगर पोलिसांनी बलात्कार प्रकरणातील आरोपीला ताब्यात घेतले.

रोहीत राजू घुले (वय २२, रा. आनंदनगर, पुंडलिकनगर) असे आरोपीचे नाव आहे. पोलिस सूत्रांनी दिलेल्या माहितीनुसार, काही दिवसांपूर्वी पुंडलिकनगर पोलिस ठाण्याच्या हद्दीतील एक १४ वर्षीय मुलगी हरविल्याची नोंद करण्यात आली होती.

तपास सुरु असताना तीला अट्टल गुन्हेगाराने नेल्याची माहिती पोलिसांना मिळाली होती. या माहितीनंतर पोलिसांनी सदर मुलीचा शोध घेत, मुलीची पोलिसांनी विचारपूस केली असता, ती मेडीकलहून औषधी घेतल्यानंतर घरापर्यंत सोडण्यासाठी म्हणून आरोपीच्या दुचाकीवर बसली होती.

मात्र त्याने शहराबाहेर नेवून तरुणीवर अत्याचार केला. हा गुन्हेगार शुक्रवारी (ता. सहा) परिसरात आल्याची माहिती मिळताच पोलिस निरिक्षक राजश्री आडे यांच्या मार्गदर्शनाखाली सहायक पोलीस निरिक्षक शेषराव खटाने यांनी त्याला ताब्यात घेतले.