औरंगाबाद : एनसीबीचे विभागीय संचालक समीर वानखेडे (Sameer Wankhede) यांच्या आत्याने औरंगाबादेत मंत्री नवाब मलिक (Nawab Malik) यांच्याविरोधात मुकुंदवाडी पोलिस ठाण्यात तक्रार दाखल केली आहे. मलिक हे समीर वानखेडे यांच्यावर मुस्लिम असल्याचे वक्तव्य करित असल्याने समाजात व नातेवाईकांमध्ये बदनामी होत आहे. यामुळे संतापलेल्या आत्या गुंफाबाई गंगाधर भालेराव यांनी तक्रार दिली आहे. तक्रारीत त्यांनी नवाब मलिक यांच्यावर अॅट्रोसिटीचा गुन्हा दाखल (Aurangabad) करण्याची मागणी केली आहे. तसेच त्यांनी त्याबरोबर वंशावळ आणि जातीचे दाखले जोडले आहेत.

समीर वानखेडे यांचे कुटुंबीय नवबौद्ध नसून ते मुस्लिम आहेत, असे म्हणून कुटुंबाची बदनामी सुरु केल्याचा तक्रारीत आत्या गुंफाबाई यांनी केला असून त्यामुळे नातेवाईकांना मनस्ताप झाला असल्याचे त्यांनी तक्रारीत म्हटले आहे.