Latest Beed News: शहरातील कालिका नगर भागातील एका २६ वर्षीय विवाहितेचा घरातील च गॅलरीत मृतदेह आढळून आल्याची घटना रविवारी (ता. १८) रात्री उशिरा उघडकीस आली. याप्रकरणी मयत महिलेच्या सासरकडील नातेवाईकांच्या तक्रारीवरून शिवाजीनगर पोलीस ठाण्यात सासरच्या मंडळींवर गुन्हा दाखल करण्यात आला.

संगीता संजय खरात (वय २६ वर्ष) रा. कालिका नगर, बीड असे मयत महिलेचे नाव आहे. संगीता यांचा चार वषारपूर्वी आई- वडीलांनी संजय खरात याच्याशी विवाह लावून दिला. पतीची पोलीस म्हणून निवड झाल्याने त्याची सध्या मुंबई येथे टूनिंग सुरु आहे. यामुळे घरात आनंदाचे वातावरण होते.

.

परंतु रविवारी रात्री सासरच्या मंडळीने मयतेच्या वडीलांना फोन करुन घरात भांडणं झाले असून या म्हणून सांगितले, यावेळी मयतचे वडील, आई, भाऊ हे घरी आले असता संगीता या घरातील गॅलरीत मृतावस्थेत आढळून आली. त्यांनी तातडीने उचलून जिल्हा रुग्णालयात आणले येथे तपासणी करुन डॉक्टरांनी मृत्यू घोषित केला.

यानंतर संतप्त आई- वडील, भावाने ही आत्महत्या नसून खून आसल्याचा आरोप केला. तसेच ४ लाख रुपयांसाठी शारीरिक, मानसिक छळ केला जात असल्याचा आरोप करत रात्री उशीरापयरत शिवाजीनगर पोलीस ठाण्यात ठिय्या मांडला होता. यानंतर रात्री उशिरा सासरच्या मंडळींवर गुन्हा दाखल करण्यात आला आहे