Latest Jatevadi News: महिलेने काल बुधवारी बचत गटाचे कर्ज घेतलेल्या २५ हजार आणि एक पाच ग्रॅमची सोन्याची अंगठी अज्ञात चोरट्यांनी चोरुन नेल्याची घटना आज सकाळीच गेवराईच्या उमापुर येथे घडली.

उमापुर(ता गेवराई)येथील कोमल आहेर या महिलेने बचत गटाकडून २५ हजार रुपयाचे कर्ज घेतले.बुधवारी रात्री कर्ज घेतलेली रक्कम घरातील एका डब्यात ठेवली होती.

आज सकाळी कोमल आहेर या शेजारी काही कामानिमित्त गेल्या असताना त्यांच्या तेवढ्यात अज्ञात चोरट्यांनी कोमल आहेर यांच्या घरातील कर्ज घेतलेली पंचवीस हजाराची रक्कम अन् पाच ग्रॅमची सोन्याची अंगठीसह चोरुन नेल्याची घटना आज सकाळीच घडली.

दरम्यान,गेवराई तालुक्यात मागील काही दिवसापासून मध्यरात्रीनंतर फिरणारे ड्रोन आणि चोरीच्या घटना घडत असताना उमापुर येथील दिवसा-ढवळ्या झालेल्या घरफोडीने एकच खळबळ उडाली आहे.