Jategaon News: राक्षसभूवन(ता गेवराई)फाट्यावर महसूल व वाहतूक शाखेच्या पथकास गस्त घालत चार दुचाकी व एक काळ्या रंगाची स्कॉर्पिओ वाळूची दिशा(लोकेशन) देणारी असल्याच्या संशय आल्याने पथकाने या वाहनांवर कारवाई केली आहे.

बीडचे जिल्हाधिकारी अविनाश पाठक आणि नवनिर्वाचित पोलिस अधिक्षक अविनाश बारगळ वाळू चोरी करणा-या माफियावर कडक कारवाईच्या सुचना दिल्या आहेत.त्या अनुषंगाने गेवराईचे महसूल आणि वाहतूक शाखेचे प्रशासन ही अलर्ट झाले आहे.

रविवारी सकाळी दहा च्या दरम्यान गस्त घालत असतांना राक्षसभूवन फाट्यावर महसूल व वाहतूक शाखेच्या पथकास चार दुचाकी आणि एक काळ्या रंगाची स्कॉर्पिओ वाळू संदर्भात लोकेशन (दिशा)दाखवत असल्याचे या पथकाला आढळून आले.

चार विविध कंपन्याच्या दुचाकी व एक काळ्या रंगाची स्कॉर्पिओ या पथकाने जप्त केली. सदरची कारवाई नायब तहसिलदार संजय सोनवणे,वहातूक शाखेचे सहायक पोलीस निरीक्षक सुभाष सानप, तलाठी अनिल काटे, विशाल काटे, विशाल गायके, सुशांत गरूडकर,विजय अरसूडे,श्रीराम भोसले आदिंनी केली आहे.