-रविंद्र गायकवाड

बिडकीन : येथील शुभम देवा कृष्णराव जोशी (Shubham Joshi) यांची श्री साई संस्थान शिर्डी (Shri Sai Sansthan Shirdi) येथे मुख्य प्रधान पुजारी म्हणून साई संस्थानच्या वतीने निवड करण्यात आलीये. या निवडीचे ब्राह्मण समाज (Brahmin Community) बिडकीन व समस्त पुरोहित वर्गातर्फे जोशींचे स्वागत करुन अभिनंदन करण्यात आले.

या प्रसंगी सूत्रसंचालन डॉ. त्रिंबक पाडळकर यांनी केले, तर अध्यक्ष अविनाश जोशी यांनी आभार मानले. कार्यक्रमाप्रसंगी ब्राम्हण समाजाचे उपाध्यक्ष संजय जोशी, सचिव प्रशांत कुलकर्णी, पैठणमधील पुरोहित अनंत खरे, किशोर कुलकर्णी, सतीश जोशी, गिरीश कुलकर्णी, प्रकाश जोशी, सुनील गोसावी, अविनाश जोशी.

तसेच प्रदीप देवा घुंगरे, कृष्णा भणगे, शंतनू जोशी, महेश जोशी, अमोल देवा जोशी, अरुण म्हरोळकर, शिवम जोशी आदींची उपस्थिती होती. यावेळी बिडकीनसह परिसरातील समाजबांधवही उपस्थित होते.