पाटोदा (जि. बीड) - सध्याचे महाविकास आघाडीचे सरकार अल्पकाळ टिकणार असून राज्यात पुन्हा भाजपचे सरकार येईल आणि सुरेश धस कॅबीनेट मंत्री होतील, कर्तृत्वान सुरेश धस हे जिल्ह्याचेच नाही तर राज्याचे नेते म्हणून कारकीर्द गाजवतील, असे प्रतिपादन विरोधी पक्षनेते प्रवीण दरेकर यांनी केले.

बीड जिल्ह्यातील कुसळंब (ता. पाटोदा) येथे रविवारी (ता. दोन) आमदार सुरेश धस यांच्या वाढदिवस अभिष्टचिंतन कार्यक्रमात श्री. दरेकर बोलत होते. यावेळी सुरेश धस यांच्यासह नेत्यांची उपस्थिती होती. राज्यात तीन पक्षांचे सरकार हे महाविकास आघाडी नाही तर बिघाडी असल्याचा टोलाही लगावत हे सरकार फार काळ टिकणारे नाही, असे दरेकर म्हणाले.

हेही वाचा - निवडणूक काळातील खर्चाची उड्डाणे, बीडमध्ये झाडाझडती

ते पुढे म्हणाले, की विधान परिषदेचा विरोधी पक्षनेता मी असलो तरी शेती-मातीच्या प्रश्नाचे मार्गदर्शन आमदार सुरेश धसच करतात. जनसंपर्क, कार्यकर्ता जोडण्याची हातोटी, सामान्यांबद्दल आपुलकी आणि नेतृत्व घडवणारा नेता म्हणून सुरेश धसांची ओळख आहे. एवढेच नाही तर मला विरोधी पक्षनेता सुरेश धस यांनीच केले आहे. 

हेही वाचा - नगर-बीड-परळी लोहमार्गासाठी शासनाकडून 63 कोटींचा निधी

बॅंक प्रकरणात धस मंत्री असताना तारांकित प्रश्‍नावर क्‍लीन चिट दिल्याचा उल्लेखही त्यांनी केला. कोणतीही परिस्थिती बदलण्याची ताकद धसांत आहे, असेही ते म्हणाले. भाजप जिल्हाध्यक्ष राजेंद्र मस्के, रमेश पोकळे, दिलीप गोरे, जयदत्त धस, मोहन जगताप, ऋषिकेश अडसकर आदींची उपस्थिती होती. 

हेही वाचा - निर्बल पुरुषांनाही कसा होतो कच्च्या केळीचा फायदा, वाचा...