सिल्लोड - सामाईक शेती व सामाईक घराच्या वाटण्यातून झालेल्या वादातून भावानेच भावाला दगड, विटाने मारहाण करून जखमी करित पाण्याच्या हौदात फेकून खून केल्याची खळबळजनक घटना पिरोळा (ता. सिल्लोड) शिवारात गट क्रमांक 82 मध्ये मयताच्या असलेल्या शेतात शनिवारी (ता.16) रोजी रात्रीच्या सुमारास घडली.
याप्रकरणी सिल्लोड ग्रामीण पोलिसांनी रविवारी (ता. 17) रोजी सकाळीच संशयित आरोपी असलेला भाऊ व मयताच्या पुतण्याच्या विरोधात गुन्हा दाखल केला. मिळालेल्या माहितीनुसार सागर जम्मन गोरे (रा. भराडी, ता. सिल्लोड) यांनी ग्रामीण पोलिस ठाण्यात दाखल केलेल्या तक्रारीत म्हटले आहे की, त्याचे वडील मयत जम्मन त्र्यंबक गोरे (रा. भराडी, ता. सिल्लोड) यांना आरोपींनी मिळून सामाईक असलेल्या शेती व घराच्या जुन्या वादातून त्याच्या वडिलांच्या डोक्यात व शरीरावर दगड, विटांनी मारहाण करून जखमी करून शेतातील पाण्याच्या हौदामध्ये फेकून त्यांची हत्या केली.
याप्रकरणी पोलिसांनी संशयित आरोपी रघूनाथ त्र्यंबक गोरे, कृष्णा रघूनाथ गोरे यांना अटक केली. रविवारी दुपारी मयताचे शवविच्छेदन केल्यानंतर मृतदेह नातेवाईकांच्या ताब्यात देण्यात आला. घटनेचा पुढील तपास पोलिस निरीक्षक विजयसिंग राजपूत यांच्या मार्गदर्शनामध्ये कर्मचारी यतिन कुलकर्णी, सचिन सोनार करित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.