मराठा आरक्षणाचा मुद्दा मागील बऱ्याच दिवसांपासून राज्यात गाजत आहे. मराठ्यांना कुणबी प्रणाणपत्र देण्यात यावं यासाठी आंदोलने केली जात असतानाच ओबीस समाजाकडून महाएल्गार मेळावे आयोजित करण्यात येत आहेत. नांदेडमध्ये ७ जानेवारीला तर १३ जानेवारीला बीड येथे ओबीसी मेळावा होत आहे. दरम्यान या ओबीसी समाजाच्या महाएल्गार मेळाव्यासंदर्भात मंत्री छगन भुजबळ यांनी अपडेट दिली आहे.
भुजबळ म्हणाले की, नांदेडला मी जाऊ शकणार नाही, आमचे इतर नेते ती रॅली पूर्ण करतील. १३ तारखेला मी बीडला जाणार आहे, पंकजा मुंडे आणि धनंजय मुंडे यांना देखील विनंती ते करत आहेत. जास्तीत जास्त लोक तिथं येतील असा प्रयत्न राहील असे भुजबळ म्हणाले. तसेच बीडला जे झालं ते अतिशय भयानक आहे, त्यामुळे तिथं रॅली होणं गरजेचं आहे म्हणून मी तिथं जाणार आहे, असेही भुजबळ म्हणाले.
ओबीसी संदर्भात एका याचिकेवर आज हायकोर्टात सुनावणी होणार आहे. याबद्दल विचारले असता छगन भुजबळ म्हणाले की, एका बाजूने आम्हाला ओबीसीमध्येच आरक्षण पाहिजे म्हणून काही नेते ताकद लावत आहेत. तर दुसरीकडे सर्व ओबीसीच्या बाहेर काढा, कारण ते कायदेशीर झालं नाही असं त्यांचं म्हणणं आहे. यासाठी त्यांनी याचिका दाखल केली आहे. महाराष्ट्र सरकारने देखील प्रतिज्ञापत्र दाखल केले आहे. महात्मा फुले समता परिषदेकडून देखील आम्ही हस्तक्षेप करून केस लढणार आहोत असे भुजबळ म्हणाले.
राज्य मागासवर्ग आयोगाने अजूनही आपलं म्हणणं मांडलं नाही याबद्दल विचारले असता, भुजबळ म्हणाले की मी अॅडव्होकेट जनरल धिरेंद्र सराफ यांच्याशी बोललो, त्यांनी सांगितलं की महाराष्ट्र सरकारतर्फे आणि ओबीसी आयोगातर्फेसुद्धा प्रतिज्ञापत्र दाखल झालं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.