तुळजापूर : भाजपचे अध्यात्मिक आघाडीचे अध्यक्ष तुषार भोसले यांच्यावर कारवाई होणार आहे. उपविभागीय अधिकारी योगेश खरमटे यांनी या माहितीस दुजोरा दिलेला आहे. तुळजाभवानी मातेचे नवरात्र गुरुवारी ता. 7 घटस्थापनेने सुरू झाले. मंदीरात भाविकांना सायंकाळी सहा वाजल्यापासून प्रवेश होता. भाजपचे अध्यात्मिक आघाडीचे अध्यक्ष तुषार भोसले हे तुळजाभवानी मातेच्या दर्शनासाठी दुपारी मंदीरात आले.

तसेच विनामास्क फोटो सेशन ही त्यांनी केले. तसेच त्यांनी काही माध्यमांशी संवाद ही साधला. भोसले यांच्या समवेत भाजपचे काही कार्यकर्ते ही उपस्थित होते. यासंदर्भात जिल्हाधिकारी तथा तुळजा भवानी मंदीर समितीचे अध्यक्ष कौस्तुभ दिवेगांवकर यांनी उपविभागीय अधिकारी योगेश खरमटे यांना कारवाईचे आदेश दिले आहेत.

यासंदर्भात उपविभागीय अधिकारी योगेश खरमटे यांच्याशी संपर्क साधला असता त्यांनी सकाळ ला सांगितले की, जिल्हाधिकारी तथा तुळजा भवानी मंदीर समितीचे अध्यक्ष कौस्तुभ दिवेगांवकर यांनी मला यासंदर्भात प्राधिकृत केले आहे. यासंदर्भात कारवाई होणार आहे. त्या दृष्टीकोनातुन प्रशासनाने कारवाई सुरू केलेली आहे.