बिडकिन : पैठण ते छत्रपती संभाजीनगर रोडवरील रेणुका माता मंदिर कमानी जवळ दोन दुचाकींचा समोरासमोर अपघात झाल्याची घटना आज (ता.०५) शुक्रवार रोजी अंदाजे ०४:३० वाजे दरम्यान घडली आहे ‌.पैठण कडुन छत्रपती संभाजीनगर येथे जात असलेल्या दुचाकी क्रमांक एम एच ४१ बी बी ९३५० व बिडकिन कडुन पैठण कडे जात असलेली दुचाकी क्रमांक एम एच २० जी एम ०१२४ यांच्यात समोरासमोर हा अपघात झाला आहे.दुचाकीची समोरासमोर झालेली धडक ऐवढी जोरदार होती यात दोन्ही दुचाकीस्वार यांचा जागीच मृत्यू झाला आहे तर दुचाकीवरील दोन महिला गंभीर जखमी झाल्या आहेत.या अपघातात

नामदेव कारभारी डफाळ,वय २८ वर्षे,रा.रोहतवाडी ता.पाटोदा,जि बीड हा जागीच ठार झाला आहे तर अनिता नामदेव डफाळ,वय.२४ वर्षे हि गंभीर जखमी झाली आहे तर अशोक कडुबा भालेराव,वय ३२ वर्षे.रा.मिसारवाडी, छत्रपती संभाजीनगर असे मयत दुचाकीस्वाराचे नाव आहे तर नंदाबाई लहु पाखरे असे जखमी महिलेचे नाव आहे.अपघातात दोन्ही दुचाकीस्वार ठार झाले आहे तर दुचाकीवरील महिला गंभीर जखमी अवस्थेत आहे.

अपघाताची माहिती मिळताच घटनास्थळी बिडकिन ग्रामीण रुग्णालय ची रुग्णवाहिका वैद्यकीय अधिकारी डॉ विकास चव्हाण व पायलट रईस शेख आणि ढाकेफळ प्राथमिक आरोग्य केंद्राचे रुग्णवाहिका डॉ.नारायण काजकुंदे व पायलट लतिफ शेख यांनी घटनास्थळी धाव घेत सर्व मयत व जखमींना ग्रामीण रुग्णालय बिडकिन येथे दाखल केले व तातडीने घटनास्थळी घटनास्थळी बिडकिन पोलिस ठाण्याचे पोलिस निरीक्षक प्रमोद पाटील, पोलिस उपनिरीक्षक अशोक माने,पोहेको.माळी पोको.जाधव,धनेधर, सहायक फौजदार निकाळजे यांनी तातडीने धाव घेत पंचनामा केला आहे.बिडकिन ग्रामीण रुग्णालय येथे अपघात ग्रस्तांना दाखल केले असता वैद्यकीय अधिकारी आशिष वेदपाठक यांनी तपासुन दोन जणांना मयत घोषित केले आहे.दोन जखमी महिलांना प्रथमोपचार करून पुढील उपचारासाठी छत्रपती संभाजीनगर येथील शासकीय रुग्णालयात दाखल करण्यात आले आहे. याप्रकरणी बिडकिन पोलिस ठाणे येथे अकस्मात मृत्यूची नोंद घेण्यात आली असून याबाबत पुढिल तपास बिडकिन पोलिस ठाणे हे करित आहेत.